Թուրքական «Zaman» օրաթերթը տեղեկացնում է, որ Թուրքիայի արտաքին գործերի նախարարության մամուլի քարտուղար Բուրաք Օզուգերգինը ազատվել է զբաղեցրած պաշտոնից: Նախօրեին նա հրաժեշտի հանդիպում էր կազմակերպել լրատվամիջոցների ներկայացուցիչների հետ:

Հիշեցնենք, որ Օզուգերգինին այդ պաշտոնում փոխարինելու է եկել Սելչուք Ունալը, որն աշխատում է ՄԱԿ-ում Թուրքիայի մշտական ներկայացուցչությունում: Իսկ Օզուգերգինը նշանակվելու է Խորվաթիայում Թուրքիայի արտակարգ և լիազոր դեսպան:

 Օզուգերգինը նշել է, որ իր պաշտոնավարության ժամանակ Թուրքիայի արտաքին քաղաքականությունն արագընթաց զարգացումների հորձանուտն է մտել. Թուրքիան միջնորդություն է ստանձնել իսրայելասիրական բանակցություններում, Հայաստանի հետ սկսել է հարաբերությունների կարգավորման գործընթաց, Սիրիայի հետ հանել է վիզային ռեժիմը և այլն: