Երեկ երեկոյան ժամը 24:00-ի սահմաններում անձը չպարզված իրանցին կտրելով Ագարակ-Մեղրի սահմանը ցանկացել է հատել Արաքսը, որպեսզի անցնի Պարսկաստան: Նշենք, որ որոշ ժամանակ առաջ սահմանի նույն հատվածը հատել էր և Հայաստանի սահմանն անցել ևս մեկ իրանցի, ու նրա մուտքը ևս չէր հաջողվել կասեցնել: Կարելի է ենթադրել, որ դա նույն անձն է, ով անցել էր Հայաստանի սահմանը, իսկ այժմ էլ փորձում է ետ վերադառնալ:

Սահմանը հատող անձին նկատել են ռուսական սահմանապահ զորքերը և անմիջապես սկսել են որոնողական աշխատանքները, սակայն ոչ մի արդյունքի չհասնելով ռուսական բանակը օգնություն է խնդրել Ագարակում տեղակայված N զորամասից: Հայկական բանակը ռուսական բանակին է տրամադրել մոտավորապես 50 զինվոր: «Slaq.am»-ի թղթակիցը Ագարակից տեղեկացրեց, որ այժմ որոնողական աշխատանքները շարունակվում են, սակայն դեռևս ոչ մի տեղեկություններ չկան:

Դեպքի առթիվ նոր տեղեկություններ ստանալու համար մենք զանգահարեցինք ՊՆ մամլո ծառայություն, զրուցելով ՊՆ մամլո խոսնակի պաշտոնակատար Աղեկյան Մուշեղի հետ նա մեզ հայտնեց, որ դեպքի մասին տեղյակ են, սակայն դեռևս ոչ մի մանրամասներ չունեն:

Դեպքի առթիվ նոր տեղեկությունների դեպքում «slaq.am»-ը կտեղեկացնի: