Հանրահայտ գրող Հովհաննես Թումանյանի Թբիլիսյան տունը կգնի Գյումրիի քաղաքապետ Վարդան Ղուկասյանը:

Այս մասին լրագրողներին տեղեկացրել են Հ.Թումանյանի թոռնուհի Իռմա Սաֆրազբեկյանը, Լեզվի պետական տեսչության պետ Սերգո Երիցյանը, Գրողների միության նախագահ Լևոն Անանյանն ու հրատարակիչների միության նախագահ Մկրտիչ Կարապետյանը:

Հունվարի 30-ին պաշտոնական գրությամբ Գյումրիի քաղաքապետ Վարդան Ղուկասյանը գրողների միության նախագահ Լևոն Անանյանին տեղեկացրել է իր մտադրության մասին: Գրությունը ստորև'

«Տեղեկացնում եմ, որ Ղուկասյանների ընտանիքը պատրաստ է Թբիլիսիում գտնվող Հովհ.Թումանյանի տունը գնելու նպատակով տրամադրել անհրաժեշտ գումարը»:

«Ղուկասյան եղբայրները պատրաստ են գնել տունը' Լեժավայի հատվածն ու այն նվիրաբերել հայկական համայնքին»,- ասել է Լևոն Անանյանը: