«Դոլմամա» ռեստորանի հետագա ճակատագրի հարցը դեռ որոշված չէ:
Նշենք, որ Պուշկինի 10 հասցեում գտնվող «Դոլմամա» ռեստորանը գործում է 1998 թվականից: «Դոլմաման» համարվում է մայրաքաղաքի էլիտար և ամենաթանկարժեք ռեստորաններից մեկը, որտեղ հաճախ են այցելում թե' Հայաստանի և թե' արտասահմանից այցելած բարձրաստիճան պաշտոնյաները:
Հյուսիսային պողոտայի վերակառուցումից հետո Պուշկին փողոցի այս հատվածը ևս որոշվեց քանդել և նորովի կառուցել, սակայն մինչ այժմ այդ ուղղությամբ էական քայլեր չեն ձեռրարկվոււմ:
Պարզելու համար, թե արդյո՞ք արդեն 14 տարի մայրաքաղաքի սիրելի վայրերից մեկը համարվող ռեստորանը ևս քանդման ենթակա է, Slaq.am-ը զրուցեց «Դոլմամա» ռեստորանի սեփականատեր Ժիրայր Ավանյանի հետ;
«Ես կարծում եմ, որ Հայաստանում երբեք հստակ որոշումներ չեն կայացվում, բայց ես թույլ չեմ տա, որ ռեստորանը քանդեն»,- մեզ հետ զրույցում նշեց Ժիրայր Ավանյանը:
Հետաքրքվեցինք, թե կոնկրետ ի՞նչ քայլեր է պատրաստվում ձեռնարկել ռեստորանը պահպանելու համար, արդյո՞ք հանդիպել է Երևանի քաղաքապետ Տարոն Մարգարյանին, Ժիրայր Ավանյանը պատասխանեց.
«Քաղաքապետին չեմ հանդիպել: Փորձելու եմ համոզել, որ չքանդեն: Ճիշտմ ասած, պայքար չեմ անելու, ուղղակի չեմ աջակցի քանդելու պրոցեսին: Մտածում եմ, որ եթե չաջակցեմ` չեն քանդի: Իրենք էլ կափսոսան, կմտածեն` հին է և այլն…Ես պլաններ ունեմ, որոնք չեն համընկնում ռեստորանը քանդելու հետ»:
Երբ խնդրեցինք, որպեսզի ռեստորանի սեփականատերը մանրամասնի, թե կոնկրետ ի՞նչ պլանների մասին է խոսքը, վերջինս հրաժարվեց պատասխանել.
«Եթե ես Ձեզ հիմա պատմեմ, թե ի՞նչ քայլեր եմ ձեռնարկելու, պարզապես իմ այդ ծրագիրը չի աշխատի»:
Հետաքրքրվեցինք, թե ռեստորանը պահպանելու համար փորձե՞լ է իրեն աջակցելու խնդրանքով դիմել այնտեղ հաճախ հյուրընկալվող բարձրաստիճան պաշտոնյաներին.
«Ոչ, դեռ չեմ դիմել, բայց անպայման դիմելու եմ»,- նշեց Ավանյանը` հրաժարվելով կոնկրետ անուններ նշել:
«Իհարկե ճիշտ չէ ոչ մի բան քանդելը: Պետք է նոր բաներ կառուցել, բայց ոչ հնի հաշվին, տեսքը կարող են փոխել` առանց ռեստորանը քանդելու»,- կարծիք հայտնեց «Դոլմամայի» հիմնադիրը:
Slaq.am - Լրատվական աղբյուր
28°C 
13°C 