«Հրապարակ»-ը գրում է, որ Բանգլադեշցի Համիկը՝ Աշոտ Ավետիսյանը, ծանր վիճակում է հայտնվել, ոչ միայն նրան առավել ծանր մեղադրանք են առաջադրել մարմնական վնասվածք պատճառելու համար, այլև բանտային պայմանների առումով:

«Նրան առաջադրված հոդվածը ենթադրում է 3-7 տարվա ազատազրկում: Մեզ հասած տեղեկություններով` թեև Համիկի մտերիմները փորձում են նրա համար բանտային VIP պայմաններ ապահովել, սակայն դա դեռ չի հաջողվում: Բացի այդ, տարբեր բանագնացներ փորձում Են տուժողին համոզել՝ բողոքը հետ վերցնել, սակայն այս ուղղությամբ էլ ջանքերը զուր են եղել:

Ասում են՝ նա լուրջ խնդիրներ ունի նաև կալանավորների հետ: Դրա պատճառն այն է, որ հանցագործ աշխարհը նրան մեղադրում է տարիներ առաջ որոշ հեղինակությունների վերաբերյալ համապատասխան ատյանների ինչ-ինչ տեղեկություններ տրամադրելու մեջ»: