Վերջին ամիսների ընթացքում Ֆեյսբուք սոցցանցում ակտիվ տարածվում են հիվանդ երեխաների նկարներ, որոնց վրա նշված է, որ 1000 անգամ տարածվելու դեպքում նկարում պատկերված հիվանդ երեխան կստանա անվճար վիրահատություն:
Նկարներից մեկում (դիտեք աջ կողմում) նշվում էր Սրի Սաթյա Սայ բժշկական կենտրոնի անունը: Ինտերնետով շրջող սպամները բացահայտող Hoax-slayer.com կայքի մասնագետները պարզեցին, որ այդ կենտրոնն իրականում չափահաս ու անչափահահաս հիվանդների անվճար վիրահատություններ է իրականացնում, և սա ոչ մի առնչություն չունի Ֆեյսբուքի, առավել ևս այնտեղ տարածված նկարների հետ:
Ավելին, պարզվեց, որ նկարը 4 տարվա հնություն ունի ու կապ չունի Սրի Սաթյա Սայի հետ: Տարածվող նկարը ոչինչ չէր փոխում, բացի նրանից, որ քուն ու դադար չէր տալիս նկարում պատկերված երեխայի ծնողներին, ովքեր չէին կարողանում կանգնեցնել նկարի տարածումը:
Տեղեկատվական անվտանգության մասնագետ Սամվել Մարտիրոսյանը PCNews.am-ի հետ զրույցում նշեց, որ ամենայն հավանականությամբ այդ նկարներ տարածողները սոցիալական փորձեր են անում, քանի որ այդպիսի նկարներ տարածելով՝ կարելի է իմանալ ոչ միայն տարածումների քանակը, այլև ինչ տիպի կապեր կան տարբեր սոցիալականկլաստերների կամ երկրների միջև և այլն:
Slaq.am - Լրատվական աղբյուր
28°C 
13°C 