Պարզվում է` երիտասարդ կանանց համար նիհարելու ամենաարդյունավետ միջոցը սպիտակուցի բարձր պարունակությամբ սննդակարգն ու սննդաբանի հետ մշտական շփումն է:

Ինչպես ցույց է տվել վերջին ուսումնասիրությունը, որն անցկացվել է Ավստրալիայում, դա թույլ է տալիս կրկնակի լավ արդյունքների հասնել, քան ածխաջրային սննդակարգի պահպանման դեպքում:

Այս ուսումնասիրությունն անցկացվում էր Սիդնեի համալսարանում: Գիտնականները պարզել են, թե ինչպես են մարզումներն ու սննդակարգի փոփոխություններն ազդում ավելորդ քաշից տառապող 18-25 տարեկան 71 կանանց վրա:

Մասնակիցներին կամավոր հերթականությամբ նշանակում էին սպիտակուցով կամ ածխաջրերով հարուստ դիետա: Ընդհանուր առմամբ ,երկու դիետաներն էլ ունեին նույն էներգետիկ արժեքը: Բոլոր մասնակիցները հանդիպում էին նաև սննդաբանի հետ և քայլում էին օրական 30 րոպե:

12 ամիս անց բոլոր մասնակիցների մոտ գրանցվեց քաշի զգալի նվազում: Սակայն սպիտակուցային սննդակարգ պահպանող կանայք ավելի շատ քաշ գցեցին, քան նրանք, ովքեր ածխաջրերով հարուստ սննդակարգ էին պահպանում:

Բացի այդ առաջին խմբի կանայք ասում էին, որ ավելի երկար էին հագեցվածություն զգացում ունենում և լավ տրամադրություն ունեին, քանզի նրանց մոտ երկաթի մակարդակը չէր նվազում:

Doctors.am