«Ժողովուրդ» օրաթերթը մեկ տարեկան է (video)«Ժողովուրդ» օրաթերթը մեկ տարեկան է (video)
«Ժողովուրդ» օրաթերթը մեկ տարեկան է (video)
04.02.1220:08
«Ժողովուրդ» օրաթերթն արդեն մեկ տարեկան է:
Մեկ տարի առաջ հիմնադրված օրաթերթին այս կարճ ժամանակահատվածում հաջողվեց ձեռք բերել ընթերցողների լայն լսարան:
Եթե իր հիմնադրման պահին օրաթերթը լույս էր տեսնում 1500 տպաքանակով, ապա այժմ թերթի տպաքանակը եռապատկվել է և հասնում է 3500-ի:
Այսօր «Անի պլազա» հյուրանոցում «Ժողովուրդ» օրաթերթի անձնակազմը կազմակերպել էր ընդունելություն, որի ժամանակ օրաթերթին շնորհավորելու էին եկել նախարարներ, պատգամավորներ, արվեստագետներ, լրագրողներ:
Ինչպես փաստում է «Ժողովուրդ»-ի խմբագիր Թագուհի Թովմասյանը, այս մեկ տարվա ընթացքում օրաթերթը փորձել է ընթերցողներին մատուցել օբյեկտիվ և անաչառ տեղեկատվություն, թեև այս ընթացքում օրաթերթի հրապարակումները ոչ բոլորի սրտով են եղել: Թերթի խմբագրի խոսքով` անձնական ճնշումներ չեն եղել, սակայն հնչել են հեռախոսային սպառնալիքներ, իսկ այս պահին էլ օրաթերթի դեմ երեք դատական հայց կա:
«Այս ճնշումների նպատակն օրաթերթին սննանկացնելն է, սակայն վստահ եմ, որ մենք կկարողանանք հաղթել այս դատական հայցերը, քանի որ որևէ տեղեկություն հրապարակելիս ներկայացրել ենք երկկողմանի տեսակետ»,- նշեց Թագուհի Թովմասյանը:
Իր ծննդյան մեկամյակի առիթով «ժողովուրդ» օրաթերթը մրցանակներ էր պատրաստել իր հավատարիմ ընթերցողներին, որոնց թվում ինչպես պաշտոնյաներ և արվեստագետներ, այնպես էլ հասարակ քաղաքացիներ էին:
28°C 
13°C 