Ժամեր առաջ ոստիկանությունը հայտնաբերել և ձերբակալել է հայտնի գործարարներից մեկին։

Slaq.am-ի տեղեկություններով`փետրվարի 4-ին, ոստիկանության քրեական հետախուզության գլխավոր վարչության աշխատակիցներն անձին առևանգելու համար «Ուրարտու» ռեստորանի մոտից ոստիկանության Կենտրոնականի բաժին բերման են ենթարկել 45-ամյա Աշոտ Երիցյանին, ով «Ուրարտու» ռեստորանային համալիրի սեփականատերն է։

Այս տեղեկությունը մեզ հետ զրույցում հաստատեցին նաև ոստիկանության լրատվության վարչությունից:

Ըստ մեր աղբյուրի փոխանցմամբ` Երիցյանը փետրվարի 2-3-ն ընկած ժամանակահատվածում Երևանի Պարոնյան փողոցի վրա գտնվող «Մոսկարադ» կարաոկե ակումբից խաբեությամբ առևանգել է 24-ամյա Արտակ Գրիգորյանին։ Նա առևանգվածին ստիպողաբար խցկել է «Մերսեդես» մակնիշի 10 ՕT 100 համարանիշի ավտոմեքենան և տարել անհայտ ուղղությամբ։ Փաստի առթիվ հարուցվել է քրեական գործ։ Հանգամանքները պարզվուն են: Նյութերն ուղղարկվել են Կենտրոնականի քննչական բաժին: