Երևանի քաղաքապետը պարգևատրվեց «Մեր Բարեկամ» շքանշանով
Սույն թվականի դեկտեմբերի 17-ին Կարեն Դեմիրճյանի անվան մարզահամերգային համալիրում տեղի ունեցավ «Նիգ-Ապարան» հայրենակցական բարեգործական հասարակական միության 5-րդ հոբելյանական համագումարը, որին ներկա էր նաև Երևանի քաղաքապետ Տարոն Մարգարյանը։
«Նիգ-Ապարան» հայրենակցական միության կանոնադրությամբ սահմանված կարգով կազմակերպության աշխատանքներին օժանդակելու, համագործակցելու գործում ներդրած նշանակալի ավանդի համար մի շարք պետական և հասարակական գործիչների շնորհվում է «Մեր Բարեկամ» անվանակարգ շքանշան։
«Նիգ-Ապարան» ՀՄ համագումարին հրավիրվել և մասնակցում էին շուրջ 200 հյուրեր, մտավորականներ, գիտնականներ, գրողներ, բարձրաստիճան այրեր։
Հոբելյանական 5-րդ համագումարում «Նիգ-Ապարան» հայրենակցական միության պատվավոր նախագահ Աղվան Հովսեփյանի կողմից «Մեր Բարեկամ» շքանշանով պարգևատրվեց Երևանի քաղաքապետ Տարոն Մարգարյանը, ինչպես նաև մի շարք այլ բարձրաստիճան պաշտոնյաներ։