Շարունակվում են ամենօրյա խորհրդի նիստերը Երևան քաղաքի ՀՀԿ տարածքայիններում։ Այս անգամ ընտրում էին ՀՀԿ Մալաթիա–Սեբաստիա տարածքայինի կուսակցականները։
Հունվարի 20–ին ՀՀԿ խորհրդի անդամ, Երևանի քաղաքապետ Տարոն Մարգարյանը մասնակցեց Հայաստանի Հանրապետական Կուսակցության Մալաթիա–Սեբաստիա տարածքային կազմակերպության խորհրդի նիստին, որի ընթացքում առաջին հերթին հանձնվեցին տոմսեր տարածքայինը համալրած նոր կուսակցականներին։ Նիստի օրակարգի երկրորդ մասում տեղի ունեցավ տարածքայինի խորհրդի նախագահի և տեղակալների ընտրություն։ Արդյունքում ՀՀԿ Մալաթիա–Սեբաստիա տ/կ խորհրդի նախագահ վերընտրվեց Դավիթ Օհանյանը, տեղակալներ՝ Սոկրատ Մկրտչյանը և Գագիկ Կիրակոսյանը։ Հանդիպման ընթացքում տեղի ունեցավ նաև տարածքայինի 2012թ. աշխատանքային ծրագրերի քննարկում և հաստատում։