17:18:07 3°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Ռուս խաղաղապահները դաս-վիկտորինաներ են անցկացրել Լեռնային Ղարաբաղի դպրոցներում

    00:29 17 Հոկտեմբեր 2021

    Խաղաղարար կոնտինգենտի հումանիտար արձագանքման կենտրոնի ռուս զինծառայողները երեխաների հայրենասիրական դաստիարակության շրջանակներում Լեռնային Ղարաբաղի կրթական հաստատություններում խաղաղության եւ անվտանգության դասեր են անցկացրել: Այս մասին հայտնում է ՌԴ ՊՆ մամուլի ծառայությունը:

    Այս անգամ ռուսաստանցի սպաները Ստեփանակերտի Խաչատուր Աբովյանի անվան N 1 դպրոցի սաների համար վիկտորինայի ձեւաչափով են դաս կազմակերպել:

    100-ից ավելի դպրոցականներ մասնակցել են ինտերակտիվ դասերին: ՌԴ խաղաղապահ ուժերի զինվորականները Հայրենական մեծ պատերազմի պատմության ոչ մեծ էքսկուրս են կատարել, որի ընթացքում խոսել են պատերազմի տարիներին խորհրդային ժողովրդի սխրանքների եւ փառահեղ ռազմական ավանդույթների մասին:

    Դասերի ժամանակ խաղաղապահներն աշակերտների շրջանում վիկտորինա են անցկացրել՝ Խորհրդային Միության հերոսների, Հայրենական մեծ պատերազմի մասնակիցների մասին, ովքեր հսկայական ներդրում են ունեցել ֆաշիզմի դեմ տարած հաղթանակի գործում: Դպրոցականներն ակտիվ մասնակցել են վիկտորինային:

    «Ուսումնական շրջանի սկզբում Հումանիտար արձագանքման կենտրոնի աշխատակիցները կազմակերպեցին մի շարք միջոցառումներ, մասնավորապես՝ Ստեփանակերտի դպրոցներում անցկացվեցին քաջությանը, խաղաղությանը, հերոսությանը, սխրանքներին նվիրված դասեր: Շարունակելով մեր գործունեությունը՝ մենք նաեւ միջոցառումներ ենք անցկացնում դպրոցի ուսուցիչների հետ, պատմում ենք մեր խաղաղապահ զորախմբի գործունեության մասին, որը գտնվում է Լեռնային Ղարաբաղում: Դե, նաեւ մենք մարդկանց ծանոթացնում ենք մեր առաքելությանը, որը նվիրված է այս տարածաշրջանում խաղաղության, հանգստության պահպանմանը»,- ասել է Ռուսաստանի խաղաղապահ զորախմբի ներկայացուցիչ Սերգեյ Զադորոժնին:

    Ամփոփելով՝ դպրոցի աշակերտներն ու ուսուցիչները շնորհակալություն են հայտնել Ռուսաստանի խաղաղապահ կոնտինգենտի Հումանիտար արձագանքման կենտրոնի աշխատակիցներին՝ դասի եւ երիտասարդության կրթության ոլորտում ցուցաբերվող աջակցության համար:

    ԿԱՅՔԻ ՀԻՆ ՏԱՐԲԵՐԱԿ

    Լրահոս