Կառավարության նիստի օրակարգում 39 հարց է, որից 36-ը չի զեկուցվում. Եվս 3 հարց գաղտնի է
Ագրեսորի և ագրեսիայի զոհի միջև հավասարության նշան դնելու պրակտիկան խրախուսում է ագրեսորին․ Մարուքյանը՝ Քիրբիին
«Փաստ». Արևմուտքից «հյուրեր» են սպասվում
«Հրապարակ». Խփիր գրպանին. Փաշինյանը որոշել է այսկերպ ստուգել գաղափարական աջակիցների թիվը
«Փաստ». «Իրավիճակ է փոխվել». էլ չի պահանջում Փաշինյանի հրաժարականը
Հայաստանի ԱԽ քարտուղարը աշխատանքային այցով կմեկնի Լատվիա, Լիտվա, Էստոնիա
Մարտի 23-24-ին Մեղրիում` ռուսական սահմանապահ զորամասի հրաձգարանում, իրականացվելու են պլանային պայթեցման աշխատանքներ
«Հինգերորդ շարասյան» վերաբերյալ թեզն անընդունելի է. պատերազմի ժամանակ այդպիսի ակնարկ անգամ չի եղել Դավիթ Տոնոյան
«Ժողովուրդ». Ինչու դատարանը բերման չի ենթարկում որոշումը չկատարած իշխանական պատգամավորին
«Հրապարակ». Վարչապետի աշխատակազմի հերթական խոշոր դրամաշնորհը՝ «ֆեյքերի ՊՈԱԿ»-ին

Դատախազը ուղիղ մեջբերումներ է անում վկաների ցուցմունքներից, ինչի իրավունքը, ակնհայտորեն չունի. Խամոյան

12:51 7 Փետրվար 2023

Ինձ զարմացնում է գլխավոր դատախազ Աննա Վարդապետյանի կողմից վկաների ցուցմունքներ հրապարակելը, տարբեր անձանց քրեադատավարական կարգավիճակներ հրապարակելը: Այս մասին այսօր՝ փետրվարի 7-ին, ԱԺ-ում լրագրողների հետ զրույցում նշեց ԱԺ «Հայաստան» խմբակցության պատգամավոր Ագնեսա Խամոյանը՝ անդրադառնալով նրան, որ ըստ դատախազության ներկայացրած տվյալների, Սեյրան Օհանյանը ցածր գնով զորանոցներ են օտարվել, հետո դրանք գրավադրել է Գրիգորի Խաչատուրովը, հայտնի է իրական սեփականատերը:

«Ինքը մեկ ասում է՝ իրավունք չունի այլոց մասով մանրամասներ ներկայացնելու, քանի որ Սեյրան Օհանյանի գործով է եկել, բայց այլոց քրեադատավարական կարգավիճակներ է հրապարակում: Ուղիղ մեջբերումներ է անում վկաների ցուցմունքներից, ինչի իրավունքը, ակնհայտորեն չունի: Ես հասկանում եմ, որ ՔՊ-ական պատգամավորները փորձում են հասարակության համար հանրամատչելի մատուցել, թե ինչպիսի «մեծագույն հանցանքներ» է գործել Սեյրան Օհանյանը: Բայց մի փաստ եմ ուզում արձանագրել. Նման կարգավիճակով ՊՆ բալանսում 7 տասնյակից ավելի շինություն է գտնվում, այստեղ փորձում էին ներկայացնել, որ գործող զորամաս է եղել Նախիջեւանի սահմանին, որ օտարվել է, փողեր են աշխատել, բանկում գրավադրել են եւ այլն: Եթե չեմ սխալվում 5 պատգամավոր իր հարցադրումներում շեշտում էր, որ, փաստորեն, Սեյրան Օհանյանը կարող էր օգտվել վաղեմության ժամկետից, բայց չի օգտվել: Այո, եւ ինքը, եւ Արմեն Չարչյանը իրենց գործերի մասով կարող էին օգտվել վաղեմության ժամկետի կիրռումից եւ այս ներկայացումն այսօր չէր լինի, չէր լինի իրավական ու քաղաքական քաշքշոցը, որ այսօր իրականացնում են իշխանությունները»,-ասաց Խամոյանը:

Հարցին, թե ի վերջո, Սեյրան Օհանյանի նախարար եղած ժամանակ վաճառվե՞լ է զորամասի հողամասերը, թե ոչ, ընդդիմադիր պատգամավորը պատասխանեց. «Ես չեմ խորանալու գործի դետալների մեջ: Խոսքը գործող զորամասի մասին չի եղել: Այլ մանրամասներ կարող եք ճշտել պարոն Օահանյանից եւ իր փաստաբաններից»:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Տնտեսություն

ՏԵՍՆԵԼ ԱՎԵԼԻՆ

Հասարակություն

ՏԵՍՆԵԼ ԱՎԵԼԻՆ