05:41:16 29°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Կրկին տիեզերքում է իրանական «Զոլջենահ» կոչվող հրթիռը

    21:15 26 Հունիս 2022

    Կիրակի օրը, 16 ամսվա ընթացքում երկրորդ անգամ տիեզերք է ուղարկվել իրանական «Զոլջենահ» կոչվող հրթիռը, հաղորդում է Tasnim լրատվական գործակալությունը եւ հավելում, որ, Իրանի Պաշտպանության նախարարության մամուլի խոսնակի փոխանցմամբ, այն հետազոտական նպատակ է ունեցել:

    Խոսնակը նշել է, որ հրթիռն ունի շարժման երեք փուլ, որոնցից երկուսը պինդ եւ մեկը հեղուկ վառելիքով: Նա հավելել է, որ տեխնիկական բնութագրերով իրանական արբանյակային կրիչը համեմատելի է ժամանակակից համաշխարհային արբանյակակիրների հետ:

    Իրանի Իսլամական Հանրապետության պաշտպանության նախարարության ներկայացուցիչը հավելել է, որ արձակման նպատակը տիեզերական ենթաօրբիտալ թռիչք իրականացնելն է, նշելով, որ սկսվել է հիբրիդային արձակման մեքենայի մշակման երրորդ փուլը՝ օգտագործելով վերջին արձակման տվյալները։

    2021 թվականի փետրվարին Իրանի պաշտպանության նախարարությունն առաջին անգամ գործարկել էր «Զոլջենահ» հրթիռը, որ կարող է Երկրից 500 կիլոմետր բարձրության վրա ուղեծիր դուրս բերել 220 կիլոգրամանոց արբանյակ:

    Հայտնի է, որ Իրանը երեք ակտիվ արբանյակ ունի՝ «Զոլջենահ», «Սարիրը» եւ «Սորուշը»:

    ԿԱՅՔԻ ՀԻՆ ՏԱՐԲԵՐԱԿ

    Լրահոս