20:49:34 19°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Ընդդիմության առաջնորդներից հարցրեք՝ ինչու ես հարթակում չէի․ Րաֆֆի Հովհաննիսյանը՝ ընդդիմության հետ համագործակցության մասին (տեսանյութ)

    14:05 9 Օգոստոս 2022

    Իշխան Սաղաթելյանին լավ չեմ ճանաչում, բայց ընդդիմության հավաքների ժամանակ մի քանի անգամ մոտեցա ղեկավարությանը և ասացի, որ պայքարի մեջ գտնվող իմ գործընկերներին աջակցելու եմ և չեմ քննադատելու։ Այս մասին մամուլի ասուլիսի ժամանակ ասաց ՀՀ նախկին արտգործնախարար Րաֆֆի Հովհաննիսյանը՝ անդրադառնալով ընդդդիմության հետ իր հարաբերություններին և հնարավոր համագործակցությանը։

    «Ասել եմ, եթե մոտեցումների, մեթոդաբանության, որոշումների կայացման, կարգախոսների հարցում կարծիքի կամ խորհրդի կարիք ունեք, ես պատրաստ եմ  պատասխանել ձեր հարցերին»,- ասաց նա։

    Հարցին՝ ինչու իրեն հանրությունը չտեսավ ընդդիմության առաջնորդների կողքին կանգնած կամ ելույթ ունենալիս, Հովհաննիսյանը ասաց․ «Դա պետք է իրենց հարցնեք՝ ինչու այդպես չէր։ Ես քանի անգամ եղել եմ ժողովրդի մեջ, զոհված զինծառայողների ծնողների կողքին, թե ինչու հարթակի վրա չէի, կարող եք իրենց հարցնել»։

    Հիշեցնենք, որ օրեր առաջ հրավիրված մամուլիս ասուլիսի ժամանակ Րաֆֆի Հովհաննիսյանը ներկայացրել էր իր մոտեցումները և առաջարկները Հայաստանում և Արցախում ստեղծված իրավիճակի հետ կապված։ Նախկին արտգործնախարարը ներկայացրել էր վստահության խորհրդի ցանկ, որում ներառված էին նաև իշխանությունից ներկայացուցիչներ՝ ի դեմս Մհեր Գրիգորյանի և Համբարձում Մաթևոսյանի, ինչը լայն քննարկումների և քննադատությունների առիթ էր հանդիսացել։

     

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    Քաղաքականություն

    ՏԵՍՆԵԼ ԱՎԵԼԻՆ