12:57:49 3°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Ռուսաստանի գործողությունները կարելի է քննադատել, բայց չընդունել, որ հսկայական ջանքեր է գործադրում, անարդար է. ՌԴ դեսպան

    19:56 29 Սեպտեմբեր 2022

    Զորքերի հետքաշումը ելման դիրքեր միակ հուսալի հիմքը կարող է լինել՝ Հայաստանի և Ադրբեջանի միջև առկա խնդիրները լուծելու համար: Այս մասին Գեղարքունիքի մարզի Սոթք համայնքում` լրագրողների հետ զրույցում, ասել է Հայաստանում Ռուսաստանի դեսպան Սերգեյ Կոպիրկինը։

    Նա նշել է, որ ռազմական բախումների ճանապարհը չի կարող հանգեցնել առկա խնդիրների լուծմանը: «Մենք ելնում ենք նրանից, որ միայն քաղաքական, դիվանագիտական ջանքերը կարող են լուծման բերել»,- ասաց Կոպիրկինը:

    «Ռուսաստանն իրենից կախված ամեն ինչ անում է, որպեսզի քաղաքական կարգավորման գործընթացը, որը գործարկվել է 2020 թվականի նոյեմբերի 9-ի եռակողմ հայտարարությամբ, շարունակվի՝ չնայած բոլոր խնդիրներին և հակասություններին: Մենք շարունակում ենք աշխատել այդ ուղղությամբ, կողմերին աջակցում ենք ընդհանուր մոտեցումների հասնելու հարցում: Դա հեշտ չէ, դա մեծ ջանքեր է պահանջում, բայց մենք դա արել ենք և մտադիր ենք անել հետագայում ևս։ Ռուսաստանի գործողությունները իհարկե կարելի է քննադատել, բայց  չընդունել, որ Ռուսաստանը հսկայական ջանքեր է գործադրում, անարդար է»,- նշեց ՌԴ դեսպանը:

    Անդրադառնալով Հայաստանին ՌԴ-ից զենք մատակարարելու մասին հարցին՝ Կոպիրկինն ընդգծեց, որ  պատրաստ չէ մեկնաբանել այդ թեման՝ հաշվի առնելով դրա զգայուն լինելը:  «Դա պետք է անեն պրոֆեսիոնալները, բայց դա ոլորտ է, որը մեր դաշնակցային հարաբերությունների մասն է»,- ասաց դեսպանը:

    ԿԱՅՔԻ ՀԻՆ ՏԱՐԲԵՐԱԿ

    Լրահոս