00:57:18 12°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Գործարքն ավարտվել է. «Օլեյնա» ձեթի արտադրության բիզնեսը վաճառվել է Կարեն Վանեցյանին

    23:27 7 Փետրվար 2023

    «Bunge» ագրոարդյունաբերական ընկերությունն ավարտել է ՌԴ–ում ձիթատու մշակաբույսերի մշակման բիզնեսի վաճառքի գործարքը։ Տեղեկությունը հրապարակվել է «Բունգե ԱՊՀ» դուստր ձեռնարկության կայքում։

    Ավելի վաղ Sputnik Արմենիան հայտնել էր, որ բիզնեսը վաճառվել է ռուսաստանցի գործարար Կարեն Վանեցյանին (ՀՀ ԱԱԾ նախկին տնօրեն Արթուր Վանեցյանի եղբորը. խմբ.), որը «Exoil Group»–ի վերահսկող բաժնետերն է։

    «Փետրվարի 3-ից «Բունգե ԱՊՀ» ՍՊԸ–ն Վորոնեժի մարզում գործող գործարանում շարունակում է բուսայուղերի արտադրությունն ու վաճառքն արդեն նոր սեփականատիրոջ վերահսկողության ներքո», – ասվում է հաղորդագրության մեջ։

    Ընկերությունն առաջիկայում կանվանափոխվի։

    «Bunge»-ը ամերիկյան ագրոարդյունաբերական ընկերություն է, ձիթատու մշակաբույսերի վերամշակման և բուսական յուղի արտադրության համաշխարհային առաջատարը։ Մամուլի հաղորդագրությունից հետևում է, որ «Bunge»-ը շուրջ 23 հազար աշխատակից ունի ավելի քան 40 երկրում:

    Վորոնեժի մարզում «Bunge» գործարանն աշխատում է 2008 թվականից, ընդհանուր ներդրումներն այնտեղ կազմել են 130 մլն դոլար: Գործարանն արտադրում է «Օլեյնա» արևածաղկի ձեթը, «Ideal» ձիթապտղի ձեթը և այլ ձիթատու մշակաբույսերից պատրաստված արտադրանք։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Քաղաքականություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2023 . Բոլոր իրավունքնրը պաշտպանված են։
    Նախագծող՝ Studio One