ՀՀ–ում աղետի հետևանքով վնասված 193 մեքենաների սեփականատերերը փոխհատուցում կստանան

13:34 15 Օգոստոս 2024

Լոռու և Տավուշի մարզերում աղետի հետևանքով վնասված 193 տրանսպորտային միջոցների սեփականատերեր կփոխհատուցվեն։ Այդ մասին որոշումն ընդունվեց ՀՀ կառավարության նիստի ժամանակ։

ՀՀ ՆԳ փոխնախարար Արփինե Սարգսյանը նշեց, որ յուրաքանչյուր տրանսպորտային միջոց կունենա փորձագիտական եզրակացություն, որը հիմք կհանդիսանա մարզպետների համար փոխհատուցում հատկացնելու համար։

Փոխնախարարն ավելացրեց, որ 152 մեքենաների մասով վերջնական փորձագիտական եզրակացություններ արդեն կան։

«Օգոստոսի 26–ից արդեն քաղաքացիները կկարողանան դիմում ներկայացնել և կարճ ժամանակում ստանալ հատուցում։ Քաղաքացիները կներկայացնեն հաշվեհամար ու նրանց կփոխանցվի համապատասխան գումարը»,– ասաց Սարգսյանը։

Նրա խոսքով` բոլոր սեփականատերերի տվյալներն իդենտիֆիկացվել են։ Փոխնախարարը նաև վստահեցրեց, որ փոխհատուցումներն այնքան կլինեն, որ կբավարարեն, որպեսզի վնասված մեքենան կամ լիովին վերանորոգվի, կամ նրա շուկայական արժեքին մոտ նոր մեքենա կարողանա անձը գնել։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ