Հայաստանի ԱԳՆ-ն հետևում է Սիրիայում զարգացումներին. նոր որոշումների վերաբերյալ կտեղեկացվի լրացուցիչ
Սահմանադրության վերաբերյալ ՀՀ փաստարկները Բաքվին չեն գոհացրել, ՀՀ ՍԴ-ի որոշումը դժվարացրեց իրավիճակը. Բայրամով
Անհրաժեշտ է նպաստավոր պայմաններ ստեղծել ԱՊՀ երկրների տնտեսությունների մրցունակության ապահովման համար. Գրիգորյան
Լոռու և Տավուշի մի շարք համայքներում ջուր չի լինի
Ցեղասպանության զոհերի հիշատակը հարգելու լավագույն ձևը այդ ոճրագործությունների դեմ միջոցներ ձեռնարկելն է. Գուտերեշ
Մեր մենթալիտետի մեջ մտած է, որ մեր պետությունը մեր թշնամին է. Փաշինյանը նշեց, թե ովքեր են դա մտցրել
ՀՀ ոչ մի քաղաքացի իր ընտանիքի համար չի ծախսում ավելին, քան ծախսում է պետբյուջեն. Փաշինյան
ՊՆ-ն զգուշացնում է՝ Բերքաբեր և Կիրանց գյուղերի մոտակայքում պայթյուններ կիրականացվեն
«Ֆրանսիան մահաբեր զենքեր է տվել Հայաստանին». Հաջիև
«Քիչ է մնում Իջևանից փայտի վառարան ուզենք». վարչապետ

1990 թվականից ի վեր աշխարհում շաքարային դիաբետով հիվանդների թիվն ավելի քան քառապատկվել է. ԱՀԿ

13:28 14 Նոյեմբեր 2024

1-ին կամ 2-րդ տիպի շաքարախտով տառապող մարդկանց թիվը 1990 թվականից ի վեր ավելի քան քառապատկվել է՝ 2022 թվականին գերազանցելով 800 միլիոնը: Այդ մասին հայտնել է Առողջապահության համաշխարհային կազմակերպությունը (ԱՀԿ)՝ վկայակոչելով The Lancet գիտական հանդեսում հրապարակված հետազոտության արդյունքները։

«2022 թվականին մոտավորապես 828 միլիոն մեծահասակ (18 տարեկան և բարձր) տառապում էր շաքարախտով, ինչը 630 միլիոնով ավելի է, քան 1990 թվականին», - ասված է հոդվածում։

1990 թվականից մինչև 2022 թվականը «շաքարախտի տարածվածությունն աճել է 131 երկրներում կանանց համար և 155 երկրներում տղամարդկանց համար»։ Ամենամեծ աճը նկատվել է Հարավարևելյան և Հարավային Ասիայի, Մերձավոր Արևելքի և Հյուսիսային Աֆրիկայի, ինչպես նաև Լատինական Ամերիկայի և Կարիբյան ավազանի ցածր և միջին եկամուտներ ունեցող երկրներում:

Հետազոտության հեղինակները հանգել են այն եզրակացության, որ 2022 թվականին «շաքարախտի տարածվածությունն ամենացածրն է եղել Արևմտյան Եվրոպայում և Արևելյան Աֆրիկայում երկու սեռերի համար, ինչպես նաև Ճապոնիայում և Կանադայում՝ կանանց շրջանում, իսկ ամենաբարձր տարածվածությունը եղել է Պոլինեզիայում և Միկրոնեզիայում, Կարիբյան ավազանի, Մերձավոր Արևելքի և Հյուսիսային Աֆրիկան որոշ պետություններում, ինչպես նաև Պակիստանում և Մալայզիայում։ 2022 թվականին շաքարային դիաբետով տառապող 30 տարեկան և բարձր տարիքի 445 միլիոն չափահաս չի բուժվել, ինչը 3,5 անգամ ավելի է, քան 1990 թվականին: 1990-ից մինչև 2022 թվականը «շաքարախտի բուժման ընդգրկումը մեծացել է 118 երկրներում կանանց և 98 երկրներում տղամարդկանց համար»:

Ընդ որում, բուժման ընդգրկման մեծացում տեղի չի ունեցել Աֆրիկայի՝ Սահարայից հարավ ընկած երկրների մեծ մասում, Կարիբյան ավազանում, Խաղաղ օվկիանոսի կղզի պետություններում, ինչպես նաև Հարավային, Հարավարևելյան և Կենտրոնական Ասիայի երկրներում: Աֆրիկյան որոշ երկրներում դրա կարիքն ունեցողների 10%-ից էլ քիչն է բուժում ստանում:

Բուժման ընդգրկումը կազմել է 55% կամ ավելի Կորեայի Հանրապետությունում, բարձր մակարդակի եկամուտներ ունեցող արևմտյան շատ երկրներում, Կենտրոնական և Արևելյան Եվրոպայի որոշ երկրներում, մասնավորապես՝ Լեհաստանում, Չեխիայում և Ռուսաստանում, ինչպես նաև Լատինական Ամերիկայում (Կոստա Ռիկա, Չիլի և Մեքսիկա), Մերձավոր Արևելքում (Հորդանան, Կատար և Քուվեյթ) և Հյուսիսային Աֆրիկայում:

Ըստ ԱՀԿ-ի՝ սա ինչպես շաքարախտով հիվանդության, այնպես էլ դրա բուժման միտումների առաջին գլոբալ վերլուծությունն է, որին մասնակցել են բոլոր երկրները: Այդ գիտական աշխատությունում, որը պատրաստվել է ԱՀԿ-ի մասնակցությամբ, գիտնականներն օգտագործել են ավելի քան 140 միլիոն մարդու տվյալներ։

Lancet հանդեսը հոդվածը հրապարակել է նոյեմբերի 14-ին նշվող Շաքարախտի դեմ պայքարի համաշխարհային օրվա առթիվ:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ