16:07:59 16°C
  • USD - 482.28 ֏
  • EUR - 568.13 ֏
  • RUB - 6.53 ֏

    • 2015-2016 ուսումնական տարին հաջող է եղել Տնտեսագիտականի համար. ավարտական վկայականների հանձնում

    16:22 28 Հունիս 2016

    Հունիսի 28-ին Հայաստանի պետական տնտեսագիտական համալսարանի (ՀՊՏՀ) 2000 ուսանողներ ստացան ավարտական վկայականներ: Բուհի բակում կազմակերպված հանդիսավոր արարողության ընթացքում ավարտական վկայականներ ստացան բակալավրիատի 1200 շրջանավարտներ: Ավարտական վկայականներ կստանան նաև հեռակա համակարգի և մագիստրատուրայի 400-ական շրջանավարտներ: 

    Գերազանց առաջադիմությամբ շրջանավարտներին ավարտական վկայականներ հանձնեց ՀՀ վարչապետ, բուհի խորհրդի նախագահ Հովիկ Աբրահամյանը: Ողջունելով շրջանավարտներին և կարևորելով կրթված սերնդի դերակատարությունը երկրի զարգացման գործում՝ կառավարության ղեկավարը նշեց. «Պատահական չէ, որ ՀՀ կառավարությունն իր ծրագրում ամենօրյա աշխատանքում որդեգրել է կրթության խրախուսման մոտեցումը՝ հատուկ կարևորելով կրթության մատչելիությունն ու հասանելիությունը: Պետությունը մրցունակ դառնում է առաջին հերթին կրթված կադրերով: Կարևոր է որակյալ տնտեսագետների առկայությունը, որոնք կարող են իրենց գիտելիքներով նպաստել մեր տնտեսության առաջանցիկ զարգացմանը: Լավ պատրաստված մասնագետները նոր լիցք են հաղորդելու Հայաստանի տնտեսության զարգացման գործին»: ՀՀ ԿԳ նախարար Լևոն Մկրտչյանը հայտարարեց, թե ՀՊՏՀ-ն ամենակայացած բուհերից մեկն է ու նշեց. «Ունենք բազմաթիվ խնդիրներ, որոնք պետք է հասցնենք իրենց հաղթական ավարտին: Ունենք խնդիրներ, որոնք նոր են ծագելու, ուստի ուժեղ մասնագետների առկայությունը, որոնք պիտի կարողանան մասնակցել մեր երկրի կառավարմանը, խիստ կարևոր է: Մի քանի տարի հետո դուք կսկսեք մեր երկրի շինարարությանը ձեր ամենալավ ներդրումն ունենալ»:

    Բուհի ռեկտոր Կորյուր Աթոյանն էլ արձանագրեց, որ 2015-2016 ուսումնական տարին Տնտեսագիտականի համար հաջող ավարտ է նշանավորում: Դիմելով ուսանողներին՝ ռեկտորն ասաց. «Ինչպես վկայում է ամփոփիչ ատեստավորման գործընթացը, ձեր առաջ կարող են մեծ հեռանկարներ բացվել»:

    Տեղեկացնենք, որ ավարտական վկայականների հանձնման հանդիսավոր արարողությունը կազմակերպել էին Հայաստանի երիտասարական հիմնադրամը, ՀՊՏՀ ռեկտորատը և բուհի ուսանողական խորհուրդը:

     

     

    Հայաստանի երիտասարդական հիմնադրամի հասարակայնության հետ կապերի ծառայություն

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Միջազգային լուրեր

    ՏԵՍՆԵԼ ԱՎԵԼԻՆ

    Տնտեսություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2024 . Բոլոր իրավունքնրը պաշտպանված են։
    Նախագծող՝ Studio One