13:06:55 1°C
  • USD - 482.28 ֏
  • EUR - 568.13 ֏
  • RUB - 6.53 ֏

    • «Փաստ». Ի՞նչ է կատարվում շինարարության ոլորտում, և ի՞նչ սպասել 2025 թվականին

    09:54 18 Փետրվար 2025

    «Փաստ» օրաթերթը գրում է. «Պարզվում է՝ շինարարության ծավալները 2024 թվականի հունվար–դեկտեմբերին նախորդ տարվա նույն ժամանակահատվածի համեմատ աճել են 14,5 %-ով կամ 709,5 տրլն դրամով։ Բնականաբար, 2024 թ. հունվար–դեկտեմբերին ամենից շատ շինարարական աշխատանքներ իրականացվել են Երևանում, որտեղ կենտրոնացած է ՀՀ բնակֆոնդի և նորակառույցների գերակշիռ հատվածը։

     

    Ըստ մասնագետների, այս հանգամանքը առաջին հերթին պայմանավորված է նրանով, որ Երևանում դեռևս գործել է եկամտահարկի վերադարձի համակարգը, չնայած նույնիսկ այդ պարագայում, աճի տեմպերը շատերը ոգևորիչ չեն համարում: Ավելին, ըստ տնտեսագետների, առաջիկայում հնարավոր են որոշակի անկումներ, չնայած որոշակի աճ կապահովվի նախկինում սկսված շինարարությունների շարունակման հաշվին:

     

    Այդուամենայնիվ, փաստը մնում է փաստ, որ անցած տարվա տվյալներով հարկատուների մեջ մանրամեծածախ առևտրի, արդյունաբերության հետ առաջատար ոլորտներից է շինարարությունը: Ավելին, հետաքրքիր է, որ 1000 խոշոր հարկատուների ցանկում ոչ միայն բուն շինարարական կազմակերպություններն են, այլև խոշոր ցանցերը, որոնք ապահովում են վերանորոգման, կահավորման, ինչպես նաև կահույքի պատրաստման համար նախատեսված պարագաներ: Օրինակ՝ «Դոմուս» ընկերությունը ոչ միայն հազարյակում է, այլև տեղ է զբաղեցրել լավագույն հարյուր հարկատուների մեջ՝ 3,3 մլրդ դրամ հարկով:

     

    Ի դեպ, հավելենք, որ բնակելի շինարարության ոլորտում 2024 թվականին գործարկվել է 1 մլն 261 հազար քառ. մետր տարածք, որը 80%-ով ավելի է նախորդ տարվա ցուցանիշից»:

     

    Առավել մանրամասն թերթի այսօրվա համարում

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Քաղաքականություն

    ՏԵՍՆԵԼ ԱՎԵԼԻՆ

    Աշխարհ

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2025 . Բոլոր իրավունքնրը պաշտպանված են։
    Նախագծող՝ Studio One