07:03:08 -1°C
  • USD - 482.28 ֏
  • EUR - 568.13 ֏
  • RUB - 6.53 ֏
  • ԱՄՆ-ը պատրաստվում է Ուկրաինա ուղարկել 275 մլն դոլարի ռազմական օգնության փաթեթ

    00:15 10 Դեկտեմբեր 2022

    Միացյալ Նահանգները պատրաստվում է Ուկրաինա ուղարկել 275 մլն դոլարի ռազմական օգնության փաթեթ, որն առաջարկում է նոր հնարավորություններ անօդաչուների դեմ պայքարի եւ հակաօդային պաշտպանությունն ուժեղացնելու համար, տեղեկացրել է Reuters-ը։

    Սպասվում է, որ Պենտագոնը նաեւ հրթիռներ կմատակարարի High Mobility Artillery Rocket System (HIMARS)-ի արձակման սարքերի համար, ինչպես նաեւ 155 միլիմետրանոց զինամթերքներ, Humvee ռազմական ավտոմեքենաներ եւ գեներատորներ, տեղեկացրել են գործակալության աղբյուրները։

    Ազգային անվտանգության խորհրդի ներկայացուցիչը հրաժարվել է մեկնաբանել օգնության փաթեթը։ Օգնության փաթեթների պարունակությունը եւ չափը կարող են փոխվել այնքան ժամանակ, մինչեւ որ ստորագրվեն նախագահի կողմից։

    Ավելի վաղ ԱՄՆ-ը Ուկրաինա էր ուղարկել NASAMS բարդ զենիթային համակարգեր, որոնք արդեն մի քանի շաբաթ է՝ աշխատում են։

    Վաշինգտոնը նաեւ հայտարարել է, որ գործողության մոտ շառավղով ՀՕՊ Avenger չորս համակարգ կուղարկի, որոնք օգտագործում են Stinger եւ HAWK հրթիռները։ 

    ԿԱՅՔԻ ՀԻՆ ՏԱՐԲԵՐԱԿ

    Լրահոս