03:24:57 9°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Ցանկություն կա մոտեցնել տարածաշրջանային հետաքրքրությունները, սակայն կան հակասություններ՝ 3+3 ֆորմատի մասնակիցների շուրջ․ Կոնստանտին Զատուլին

    21:00 11 Հոկտեմբեր 2021

    ՀՀ ԱԺ պատգամավորների հետ հանդիպման և 3+3 ֆորմատի հեռանկարի շուրջ Armlur.am-ը զրուցել է ՌԴ Պետդումայի պատգամավոր Կոնստանտին Զատուլինի հետ:

    -Ինչպե՞ս կգնահատեք ՀՀ Ազգային ժողովի պատգամավորների հետ հանդիպումը:

    -Ընդհանուր առմամբ, հանդիպումը բավականին կառուցողական էր, շարունակական բնույթ կրող: Հանդիպումն ընթացել է փոխգործակցության շուրջ, խոսակցությունը է եղել հայ-ռուսական հարաբերությունների շուրջ: Իսկ օրինակ՝ Լեռնային Ղարաբաղի հետ կապված հարցերի շրջանակ չի եղել, քանի որ բոլորն էին հասկանում, որ նման հարցեր քննարկվում և լուծվում են այլ մակարդակում: Ընդհանուր առմամբ, խոսակցությունը պրոֆեսիոնալ էր, քննարկվել է, թե ինչպես պետք է համագործակցել, ովքեր պետք է առաջնորդեն:

    -Հեղափոխությունից հետո այն տեսակետն էր առկա, թե իշխանությունների մոտ գերիշխում են հակառուսական տրամադրությունները: Դուք նման բան զգացի՞ք:

    -Ես պետք է ընդգծեմ, որ հանդիպմանը բոլորը բարեհամբույր էին, և նման կարծիքն այդ ձևաչափին չէր վերաբերում: Նշեմ, որ հանդիպմանը ներկա էին տարբեր քաղաքական ուժերի ներկայացուցիչներ: Ընդդիմությունից ևս ներկայացուցիչ կար, և նա կարող է հաստատել, որ խոսակցությունը վերաբերել է ընդհանուր թեմաների: Իսկ ինչ վերաբերում է ներկա փուլին, ապա հակառուսական տրամադրությունների հետ կապված հարց է հնչում՝ ինչո՞ւ Ռուսաստանը չկանխեց պատերազմը, կարո՞ղ էր, թե՞ ոչ: Այդ հարցին հստակ պատասխանել է ՌԴ արտգործնախարար Սերգեյ Լավրովը, որը, կոմպետենտ մարդ լինելով, հստակ ասել է, որ այն ժամանակ ՌԴ-ի ունեցած հնարավորություններով մենք չէինք կարող կանխել պատերազմը: Բնականաբար, Ադրբեջանն ու Թուրքիան օգտագործել են հայ-ռուսական հարաբերությունների հետ կապված մի փոքր սառեցումը՝ սխալներով, բարձրագոչ հայտարարություններով, ինչպիսինն է՝ «Արցախը Հայաստան է, և վերջ»: Այսինքն, այդ հայտարարությունն ինքնին խոսք էր Արցախի անկախության մասին: Հայաստանը հիմա ապրում է Արևմուտքի իդեալներով, սակայն օգնութուն են ակնկալում Ռուսաստանից: Նույն կերպ Թուրքիայի հանդիպման մասով ազդակ է արվում Վրաստանի կողմից, և հարց է առաջանում՝ ինչո՞ւ նրանց, այլ ոչ թե ՌԴ-ի կողմից:

    -ՌԴ արտգործնախարարը խոսեց 3+3 ձեւաչափի մասին: Որքանո՞վ է այն իրատեսական:

    -Կա մի խնդիր, որը կոչվում է Թուրքիա: Հիմա փորձ է արվում հեռանալ ստատուսի մասին խոսակցություններից, քանի որ դրանք լավ տեղ չեն տանելու: Դա ՌԴ-ի պաշտոնական իշխանությունների տեսակետն է: Ես անձնապես հասկանում եմ այդ տեսակետը, սակայն խորը կասկածներ ունեմ, որ կարող է այդ պրոյեկտը կյանքի կոչվել, և անցյալը կշրջվի: Միգուցե Հայաստանի իշխանություններում կան մարդիկ, որոնք այդ տարբերակին ավելի են վստահում: Ինչ վերաբերում է ձևաչափին, ապա իսկապես ցանկություն կա մոտեցնել տարածաշրջանային հետաքրքրությունները, սակայն կան հակասություններ՝ 3+3 ֆորմատի մասնակիցների շուրջ: ՌԴ-ն խնդիրներ ունի Վրաստանի, Թուրքիայի հետ, Իրանը սուր է արձագանքում Ադրբեջանին և Թուրքիային, Հայաստանը՝ նույնպես: Այս ֆորմատը պետք է այդ հակասությունները մի կողմ դնի, սակայն դեռ չպետք է կարծել, թե այն կարող է հաջողություն ունենալ: Ցանկությունները բարի են, սակայն իրագործման շուրջ կան հակասություններ:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Միջազգային լուրեր

    ՏԵՍՆԵԼ ԱՎԵԼԻՆ

    Տնտեսություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2023 . Բոլոր իրավունքնրը պաշտպանված են։
    Նախագծող՝ Studio One