18:16:23 25°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Բագրատ Սրբազանը ուշ երեկոյան այցելել է Բաղրամյան պողոտայում բախումից տուժած քաղաքացիներին և ոստիկաններին

    09:46 13 Հունիս 2024

    Բագրատ Սրբազանը ուշ երեկոյան եւ գիշերը այցելել է Բաղրամյան պողոտայում ոստիկանության եւ ցուցարարների բախումից տուժած քաղաքացիներին, այդ թվում ոստիկաններին:

     

    Մասնավորապես, Բագրատ Սրբազանն այցելել է Genesis Armenia ուղեղային կենտրոնի հիմնադիր, լրագրող Աբրահամ Գասպարյանին, NEWS.am-ի օպերատորին, զոհված զինծառայողի ծնողի:

     

    «Տավուշը հանուն հայրենիքի» շարժման ֆեյսբուքյան էջում այդ մասին պատմող փոքրիկ տեսանյութեր կան:

     

    Ավելի վաղ հայտնել էր, որ նախօրեին Բաղրամյան պողոտայում հավաքի ժամանակ իրավիճակը լարվել է, բախումներ են սկսվել ցուցարարների եւ ոստիկանների միջեւ: Ոստիկանությունը լուսաձայնային նռնակներ է կիրառել, որի հետեւանքով բազմաթիվ մարդիկ վնասվածքներ են ստացել, մի քաղաքացու ձեռքն է կտրվել: Տուժել են նաեւ լրագրողներ, ոստիկաններ:

     

    Ոստիկանապետ Արամ Հովհաննիսյանը նշել է, որ ոստիկանների ուղղությամբ ապակյա շշեր են նետվել, ինչի հետևանքով նրանց շրջանում կան տուժածներ:

     

    Առողջապահության նախարարության տվյալներով, Բաղրամյան պողոտայում տեղի ունեցած իրադարձությունների հետևանքով բուժօգնության է դիմել 98 քաղաքացիական անձ և ոստիկան։ Նրանք ստանում են անհրաժեշտ բուժօգնություն։

     

    Ձեռքի դաստակի վնասվածքով պացիենտը վիրահատվել է։

     

    Այլ ծանր վնասվածքով դիմած անձ չունեն։

    ԿԱՅՔԻ ՀԻՆ ՏԱՐԲԵՐԱԿ

    Լրահոս