19:09:26 -1°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Ծանրամարտի ԱԱ․ Մրցահարթակ դուրս կգա Արա Աղայանը

    10:22 13 Դեկտեմբեր 2024

    Բահրեյնի մայրաքաղաք Մանամայում անցկացվող ծանրամարտի աշխարհի առաջնությունում դեկտեմբերի 13-ին Հայաստանը կունենա մեկ ներկայացուցիչ:

     

    Տղամարդկանց 102 կգ քաշայինների պայքարում մրցահարթակ դուրս կգա Արա Աղայանը, որի մասնակցությամբ պայքարը կմեկնարկի Երեւանի ժամանակով 21:00-ին:

     

    ----

     

    Արա Աղայանը 2019 թ. Եվրոպայի Մ20 առաջնության փոխչեմպիոն է, 2022 թ. Եվրոպայի առաջնության փոխչեմպիոն (375 կգ, 170+205), 2022 թ. Եվրոօայի Մ23 չեմպիոն, 2023 թ. Երեւանում անցկացված Եվրոպայի առաջնությունում երկամարտի 364 կգ արդյունքով երկրորդ անգամ մարզական կարիերայում նվաճեց փոխչեմպիոնի կոչումը (165+199):

     

    Աշխարհի առաջնությունում Արա Աղայանի նախնական հայտը երկամարտում 390 կգ է: Այս քաշային կարգում տիտղոսի համար կպայքարի 11 ծանրորդ: Ֆավորիտները Քաթարի ներկայացուցիչ Իբրահիմ Ֆարես Էլբախն է եւ ղազախ Արտյոմ Անտրոպովը: Երկուսի նախնական հայտերը երկամարտում 400 կգ է:

    Փաշիկ Ալավերդյանի գլխավորած հավաքականից Բահրեյնում մրցահարթակ դուրս կգան նաեւ Գարիկ Կարապետյանը եւ Պետրոս Պետրոսյանը (109 կգ), Վարազդատ Լալայանը (+109 կգ)։

     

    Կանանց պայքարում կլինի Տաթեւ Հակոբյանը (87 կգ):

     

    Հայաստանի առաջին մեդալն այս առաջնությունում նվաճել է 55 կգ քաշային Ալեքսանդրա Գրիգորյանը՝ դառնալով բրոնզե մեդալակիր (205 կգ, 85+120):

     

    Տղամարդկանց հավաքականի ներկայացուցիչները դեռեւս մեդալ չեն նվաճել:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Միջազգային լուրեր

    ՏԵՍՆԵԼ ԱՎԵԼԻՆ

    Տնտեսություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2025 . Բոլոր իրավունքնրը պաշտպանված են։
    Նախագծող՝ Studio One