00:29:02 0°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Դատարանը զրպարտչական է ճանաչել Արթուր Սողոմոնյանի հայտարարությունները

    22:37 10 Հունվար 2025

    2022 թվականի դեկտեմբերի 16-ին «Փյունիկի» կայքում հրապարակված Արթուր Սողոմոնյանի հարցազրույցում արված ՀՖՖ և ՀՖՖ նախագահ Արմեն Մելիքբեկյանի վերաբերյալ արտահայտությունները դատարանը ճանաչել է զրպարտչական: Այս մասին տեղեկացնում է ՀՖՖ կայքը։ 

    Դեկտեմբերի 26-ին Երևան քաղաքի ընդհանուր իրավասության դատարանը վճռել է Արթուր Սողոմոնյանից հօգուտ ՀՖՖ և Արմեն Մելիքբեկյանի 800,000 ՀՀ դրամ բռնագանձել՝ պատվին և արժանապատվությանը պատճառված վնասի համար:

    Դատարանը հաստատել է, որ Սողոմոնյանի հայտարարությունները իրականությանը չեն համապատասխանում և արատավորում են հայցվորների պատիվն ու արժանապատվությունը: ՀՖՖ-ն նախատեսում է բռնագանձվող գումարով գնդակներ նվիրաբերել Սյունիքի մարզի դպրոցներին:

    ՀՖՖ-ն դիմել էր Քննչական կոմիտե՝ ուսումնասիրելու Արթուր Սողոմոնյանի հարցազրույցում արված հայտարարությունները և դրանց համապատասխանությունը ՀՀ քրեական օրենսգրքին: Քննչական կոմիտեն եզրակացրել է, որ ՀՖՖ ղեկավարության գործողություններում քրեական օրենսգրքով նախատեսված հանցանքի հատկանիշներ չեն հայտնաբերվել։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Միջազգային լուրեր

    ՏԵՍՆԵԼ ԱՎԵԼԻՆ

    Տնտեսություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2025 . Բոլոր իրավունքնրը պաշտպանված են։
    Նախագծող՝ Studio One