12:58:08 1°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Եվրամիության դերը բացառվում է Ուկրաինայի հարցով առաջիկա բանակցություններում. ՌԴ ԱԳՆ

    20:14 18 Փետրվար 2025

    Եվրամիության դերն ու մասնակցությունն Ուկրաինայի վերաբերյալ առաջիկա հնարավոր բանակցություններում բացառված են: Այս մասին հայտարարել է Ռուսաստանի ԱԳՆ ղեկավարի տեղակալ Ալեքսանդր Գրուշկոն, տեղեկացնում է ՌԻԱ Նովոստի-ն:

     

    Նա, մասնավորապես, ասել է. «Այսօր, չգիտես ինչու, ԵՄ երկրները և եվրոպացիները բանակցությունների սեղանի շուրջ տեղ են պահանջում ուկրաինական հակամարտությունը լուծելու համար, դա ուղղակի ապշեցուցիչ է, քանի որ նրանք երկար տարիներ սեղանի շուրջ են եղել»:

     

    Գրուշկոյի խոսքով՝ «եվրոպական քաղաքականության ամբողջ իմաստն էր թույլ չտալ, որ հակամարտությունն ավարտվի քաղաքական և դիվանագիտական միջոցների կիրառմամբ, այլ շարունակել այն մինչև Ռուսաստանի նկատմամբ լիակատար հաղթանակը»։

     

    «Դա բացառում է Եվրամիության և եվրոպական երկրների որևէ դերակատարում գալիք բանակցություններում, մենք հուսով ենք, որ դրանք տեղի կունենան Ուկրաինայի տարածքում և դրա շուրջ հակամարտությունը կարգավորելու հարցում»,-ասել է Գրուշկոն և հավելել, որ Ռուսաստանը բացասաբար է վերաբերվում Ուկրաինայում եվրոպացի խաղաղապահներ տեղակայելու գաղափարին։

     

    «Եվ մենք բազմիցս խոսել ենք դրա մասին։ Անկախ նրանից, թե ինչ դիմակի տակ են նրանք, սա քայլ է դեպի լարվածության սրացում, այլ ոչ թե լարվածության թուլացում»,-ասել է նա:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Տնտեսություն

    ՏԵՍՆԵԼ ԱՎԵԼԻՆ

    Հասարակություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2025 . Բոլոր իրավունքնրը պաշտպանված են։
    Նախագծող՝ Studio One