16:14:15 27°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Հետխորհրդային բոլոր երկրներից միայն Հայաստանում է, որ եկեղեցին ոչ մի գումար չի ստանում պետությունից. Բագրատ Սրբազան

    21:16 21 Մայիս 2024

    Հետխորհրդային բոլոր երկրներից միայն Հայաստանում է, որ եկեղեցին ոչ մի գումար չի ստանում պետությունից։ Այս մասին այսօր Սուրբ Աննա եկեղեցու բակում, ամփոփելով օրը, ասաց Բագրատ Սրբազանը՝ արձագանքելով ԱԺ նախագահ Ալեն Սիմոնյանի հայտարարությանն այն մասին, որ պետք է առաջիկայում քննարկել եկեղեցին հարկային դաշտային մտցնելու հարցը:

     

    Բագրատ արքեպիսկոպոսը, մասնավորապես, նշեց. ՛՛Հետխորհրդային բոլոր երկրներում մինչև այսօր էլ պետությունը եկեղեցուն որոշակի մեծ թվով գումարներ վճարում է՝ ի հատուցումն խորհրդային ժամանակ կրած բոլոր զրկանքների։

     

    Միակ եկեղեցին հայ եկեղեցին է, որ մի լումա անգամ չի ստացել իր իսկ ցանկությամբ, որպեսզի պետությանը որևէ կերպով վնաս չհասցնի՝ հանձն առնելով բոլոր իր առաքելությունը, գործունեությունը, կարիքները հոգալ այսպես կոչված սեփական ջանքերով՝ առանց փորձելու բեռ լինել պետության վրա։ Հատուցման պահանջ պետք է դնել այս մարդկանց առջև։

     

    19-րդ դարի եկեղեցիներ ունենք, որոնք բռնագրավված են, ավերակների են վերածված, հայ եկեղեցու գույքը, հոգևոր, մշակութային արժեքները, եկեղեցիները պետք է վերադարձվեն եկեղեցուն այն տեսքով, ինչ տեսքով իրենք բռնագրավել են։

     

    Մենք հարկերը վճարում ենք, որ դուք գնաք պարգևավճար ստանաք՛՛,-նշեց նա:

    ԿԱՅՔԻ ՀԻՆ ՏԱՐԲԵՐԱԿ

    Լրահոս