16:25:29 27°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Հնդկաստանում խորհրդարանական ընտրությունների վեցերորդ փուլում մասնակցությունը գերազանցել է 59%-ը

    23:44 25 Մայիս 2024

    Հնդկաստանում ընդհանուր խորհրդարանական ընտրությունների վեցերորդ (յոթից) փուլում ընտրողների ընդհանուր մասնակցությունը կազմել է 59,14%: Ըստ ընտրական հանձնաժողովի՝ տվյալները կարող են փոքր-ինչ փոխվել, քանի որ տեղեկատվությունը հասանելի է դառնում ծայրամասային շրջաններից:
    Ընտրողների ամենաբարձր մասնակցությունը գրանցվել է Արևմտյան Բենգալիա նահանգում՝ 78,19%, ամենացածրը՝ Բիհար նահանգում (53,6%)։ Այս փուլում քվեարկել է նաեւ Հնդկաստանի մայրաքաղաքը, որտեղ նույնպես ցածր է եղել մասնակցությունը՝ 54,63%։
    Ընտրողների ցածր մասնակցությունը բացատրվում է Հյուսիսային Հնդկաստանում, այդ թվում՝ մայրաքաղաքում տիրող շոգով, որտեղ ջերմաստիճանը հասել է մինչև 43,4 աստիճան Ցելսիուս։ Ընտրատեղամասերում ընտրողներին խմելու ջուր է բաժանվել, հերթապահել են բժշկական խմբերը։
    Հնդկաստանում քվեարկության վերջին փուլը տեղի կունենա հունիսի 1-ին։ Պաշտոնական արդյունքները կհրապարակվեն հունիսի 4-ին։

    ԿԱՅՔԻ ՀԻՆ ՏԱՐԲԵՐԱԿ

    Լրահոս