Կալանավորել են Յուվեցի Կարոյի որդուն և ՀՀԿ-ական նախկին պատգամավոր Նովոյին
Մ-4, Երևան-Սևան ճանապարհի վերին հենապատը մաքրվում է քարաթափումներից
Հայաստանի և Ադրբեջանի միջև հարաբերությունների կարգավորումից հետո կարագանա Թուրքիա–ՀՀ հարաբերությունների կարգավորման գործընթացը. Օմեր Չելիք
Ադրբեջանը շարունակում է ապատեղեկատվություն տարածել. ՀՀ ՊՆ-ն հերքում է
Ռուստամ Ստեփանյանը՝ «Չաղ Ռուստամը», կրկին կհայտնվի քրեակատարողական հիմնարկում. վերաքննիչը բեկանել է տնային կալանքի վերաբերյալ որոշումը
Հայաստանը ողջունել է Ղրղզստանի և Տաջիկստանի միջև պետական սահմանի մասին պայմանագրի ստորագրումը
Պուտինն ու Թրամփն իրենք կսահմանեն իրենց հանդիպման ժամկետները․ Պեսկով
Ֆասթ Բանկը 2024թ.-ն ամփոփել է բարձր ֆինանսական ցուցանիշներով
Ուկրաինայում ռազմական գործողությունների շարունակությունը չի նպաստում բանակցային գործընթացին․ Ռուբիո
Ավտոբուսի վարորդի կողմից վրաերթի ենթարկված տղամարդը մահացել է

Պարտված անձը չի կարող խաղաղություն ոչ ինքը ունենալ, ոչ էլ փոխանցել, ու ոչ էլ դառնալ այդ խաղաղության պաշտպանն ու երաշխավորը․ Բագրատ Սրբազանի քարոզը

19:40 19 Մայիս 2024

Պարտված անձը չի կարող խաղաղություն ոչ ինքը ունենալ, ոչ էլ փոխանցել, ու ոչ էլ դառնալ այդ խաղաղության պաշտպանն ու երաշխավորը։

Այս մասին Սուրբ Աննա եկեղեցում իր քարոզում ասել է Բագրատ Սրբազանը:

«Առաքյալների միասիրտ ու միախորհուրդ լինելու, համբերատար, անկասկած և անկասկածելի վստահ սպասումը, տրված խոստումի հանդեպ ունեցած անքննարկելի հավատքը միջոց դարձավ այն հաղթական ընթացքի, որ ընդամենը 12 հոգի իրենց շրջապատող համախոհներով կարողացան աշխարհը նվաճել։

Նեղություններ եք կրելու, հալածանքներ եք տեսնելու, անարգվելու եք, այսօրվա բառով ասած՝ պիտակավորվելու եք, ցեխարձակումներ եք ունենալու, զրկվելու եք տարբեր տեսակի հնարավորություններից և միջոցներից, բայց քաջալերվեցեք, որովհետև ես հաղթեցի աշխարհին։ Եվ եթե ես եմ հաղթել, ուրեմն նաև դուք եք հաղթել։

Այդ հաղթությունը միայն իմը չէ, ես բերում եմ այդ հաղթությունը, բայց այդ հաղթելու մեջ ապրելու հրավերը բոլորին է ուղղված։

Եվ տեսեք, խաղաղության ու հաղթության մասին է խոսում մեր Տերը, չի բաժանում իրարից։ Առանձին խաղաղություն գոյություն չունի, եթե նրա հիմքում չկա արդարությունն ու պարուրված չէ ճշմարտությամբ։

Եվ այդ խաղաղության փոխանցողն ու բերողը պետք է այդ արդարության և ճշմարտության կրողը լինի, որպեսզի կարողանա նաև հաղթել և հաղթանակած վիճակում փոխանցել այն խաղաղությունը, որն ինքը ունի։

Պարտված, կորացած, արդարությունն ու ճշմարտությունը սեփական մեկնաբանությամբ մատուցած երևույթն ու անձը չի կարող խաղաղություն ոչ ինքը ունենալ, ոչ էլ փոխանցել ու ոչ էլ դառնալ այդ խաղաղության պաշտպանն ու երաշխավորը, որովհետև ինքը չունի, որովհետև իրեն այդպես չեն ընկալում ու տեսնում։

Մեր կյանքն այսօր աղետներով, ողբերգություններով ուղեկցվող կյանք է, թե՛ ամբողջ աշխարհի իմաստով, թե՛ մեր հայրենիքում, այն կենսատարածքում, որը մեր ժառագնությունն է, ոչ սոսկ բնակավայր լինելով, այլ մեր ինքնությունն արտահայտելով։

Մենք այսօր մեր միջավայրում ապրում ենք անպատիվ ժամանակներում, ապրում ենք ստի սնուցմամբ, թշնամության քարոզով, ատելության գործնական դրսևորումներով, որոնք դարձել են մեր միջավայրի և մեր լայն կյանքի սկզբունքներն ու մշակույթը, որոնք լրիվ հակադիր են ու հակադարձ թե՛ մարդկային որակին ու արժեքին, թե՛ Աստվածային պատգամին ու օրհնությանը»,-ասել է Բագրատ Սրբազանը։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ