18:28:45 -1°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Ամբողջ Աբխազիան մնացել է առանց էլեկտրականության

    21:38 11 Դեկտեմբեր 2024

    Ամբողջ Աբխազիան մնացել է առանց էլեկտրականության․ Ինգուրի հիդրոէլեկտրակայանը դադարեցրել է աշխատանքը՝ ջրի խիստ ցածր մակարդակի պատճառով։

     

    «Ջրամբարում ջրի կրիտիկական մակարդակի և ջրի անբավարար ներհոսքի պատճառով Ինգուրիի հիդրոէլեկտրակայանը ստիպված է եղել վթարային անջատում կատարել։ Կայուն էներգամատակարարում ապահովելու նպատակով նախատեսվում է էլեկտրաէներգիայի մատակարարման նոր ժամանակացույց սահմանել»,- հայտնել են «Չեռնոմորէներգո»-ից։

     

    Նշենք, որ ԻնգուրՀԷԿ-ը Աբխազիան սնուցող միակ կայանն է։

     

    Նոյեմբերի 1-ից Աբխազիայում գործում են էլեկտրաէներգիայի մատակարարման սահմանափակումներ։ Դեֆիցիտը մասնակիորեն ծածկելու համար Աբխազիան էլեկտրաէներգիա է գնում Ռուսաստանից, ինչն օրական կտրվածքով կազմում է 15 միլիոն ռուբլի։ Այս գումարը չի ներառվել 2024 թվականի բյուջեում, ուստի Աբխազիայի կառավարությունը արտակարգ միջոցներ է ձեռնարկում՝ միջոցներ գտնելու համար։ Էլեկտրաէներգիայի խնայողության նպատակով սահմանվել է հովհարային ռեժիմ։ Երկուշաբթի օրվանից Աբխազիայում սպառողները ցերեկային ժամերին էլեկտրաէներգիա են ստանում ընդամենը 4 ժամ 40 րոպե, իսկ գիշերային ժամերին՝ 21։00-ից մինչև առավոտյան 07։00-ն՝ Մոսկվայի ժամանակով։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Տնտեսություն

    ՏԵՍՆԵԼ ԱՎԵԼԻՆ

    Հասարակություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2025 . Բոլոր իրավունքնրը պաշտպանված են։
    Նախագծող՝ Studio One