02:56:18 14°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Ղարաբաղի վերաբերյալ եռակողմ պայմանավորվածությունները մնում են արդիական. Զախարովա

    15:03 25 Ապրիլ 2024

    Լեռնային Ղարաբաղի վերաբերյալ եռակողմ համաձայնագրերի փաթեթը շարունակում է արդիական մնալ։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

     

    «Գիտեք, Ռուսաստանի, Ադրբեջանի և Հայաստանի ղեկավարների միջև եռակողմ պայմանավորվածությունների համալիրը մնում է արդիական։ Պաշտոնապես կողմերից ոչ մեկը չի հերքել այդ պայմանավորվածությունները»,- ասաց նա՝ պատասխանելով հարցին, թե կարելի՞ է ասել, որ Ղարաբաղից ռուսական խաղաղապահ կոնտինգենտի դուրսբերումից հետո 2020 թվականի նոյեմբերի 9-ի պայմանավորվածությունները դադարեցին գոյություն ունենալ։

     

    Ապրիլի 17-ին Ադրբեջանի նախագահի օգնական Հիքմեթ Հաջիևը հայտնել է, որ Ադրբեջանի և Ռուսաստանի ղեկավարությունը որոշում է կայացրել Ղարաբաղից ռուսական խաղաղապահ զորախմբի վաղաժամկետ դուրսբերման մասին։ Նա նշել է, որ երկու երկրների պաշտպանության նախարարությունները համապատասխան միջոցներ են ձեռնարկում այս որոշումը կյանքի կոչելու համար։

    ԿԱՅՔԻ ՀԻՆ ՏԱՐԲԵՐԱԿ

    Լրահոս