08:23:02 0°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Աշխարհի հինգ առաջատար թերթ պահանջում են ազատել Ասանժին

    23:39 28 Նոյեմբեր 2022

    Աշխարհի հինգ առաջատար թերթ հանդես են եկել ԱՄՆ-ի կառավարությանը հասցեագրված համատեղ հայտարարությամբ, որով պահանջել են չեղարկել Wikileaks-ի հիմնադիր Ջուլիան Ասանժին ներկայացված մեղադրանքը: Հայտնում է Ազատությունը։

     

    Կոչը ստորագրել են ամերիկյան The New York Times-ը, բրիտանական The Guardian-ը, ֆրանսիական Le Monde-ը, գերմանական Der Spiegel-ը և իսպանական El Pais-ը:

    Այդ լրատվամիջոցները նշում են, որ Ասանժի դատական հետապնդումը հակասում է Ամերիկայի Միացյալ Նահանգների Սահմանադրությանը:

    Հինգ թերթերի գլխավոր խմբագիրների համատեղ ուղերձում նշվում է, որ Wikileaks-ի կողմից հրապարակված գաղտնի փաստաթղթերն, այդ թվում դիվանագետների և գաղտնի ծառայությունների նամակագրությունը, լրատվամիջոցներին ընձեռել են ամերիկյան դիվանագիտության ներքին խոհանոցի և միջազգային իրավունքի ենթադրյալ խախտումների մասին տեղեկությունները հասարակությանը հասցնելու հնարավորություն:

    Ընդհանուր հաշվով Wikileaks-ը 2012 թվականի դրությամբ հրապարակել է ավելի քան 250 հազար փաստաթղթեր:

    Հինգ թերթերի գլխավոր խմբագիրներն ընդգծել են, որ այդ փաստաթղթերի հիման վրա լրագրողական հետաքննությունները մինչև հիմա շարունակվում են:

    «Հրապարակումը հանցագործություն չէ»,- ասվում է ԱՄՆ-ի իշխանությանը հինգ համաշխարհային առաջատար թերթերի գլխավոր ղեկավարների համատեղ ուղերձում:

    Ասանժին ԱՄՆ-ում հեռակա կարգով ընդհանուր հաշվով ներկայացրել են 18 մեղադրանք այդ թվում լրտեսության հոդվածով: Նա կարող է դատապարտվել գործնականում ցհամ պատժաչափի՝ ավելի քան 100 տարվա ազատազրկման:

    Բրիտանիայի դատարանը հավանություն է տվել Ասանժին ԱՄՆ արտահանձնելու որոշմանը: Փաստաբաններն պետք է բողոքարկեն վճիռը: Բրիտանական բանտում Ասանժի առողջական վիճակը կտրուկ վատթարացել է:

    ԿԱՅՔԻ ՀԻՆ ՏԱՐԲԵՐԱԿ

    Լրահոս