08:45:37 22°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Այսօր ՄԱԿ-ի օրն է

    07:31 24 Հոկտեմբեր 2012

    1947 թվականի հոկտեմբերի 31-ին Միավորված ազգերի կազմակերպությունը № 168 բանաձևում հոկտեմբերի 24-ը՝ ՄԱԿ-ի կանոնադրության ընդունման մեկամյակի օրը, հռչակել է ՄԱԿ-ի օր, որի նպատակն է միջազգային հանրությանը ՄԱԿ-ի նվաճումների և ծրագրերի հետ ծանոթացնելը, ինչպես նաև իր գործունեության համար աջակցություն ստանալը: Այս մասին հայտնում Calend.ru-ն:

    ՄԱԿ-ի առաջին փաստաթղթերից է եղել 1948 թվականի դեկտեմբերին ընդունված Մարդու իրավունքների համընդհանուր հռչակագիրը: 1971 թվականին դեկտեմբերի 6-ին ՄԱԿ-ի Գլխավոր Ասամբլեան ընդունել № 2782 բանաձևը, որում նշվել է, որ Միավորված ազգերի կազմակերպության օրը պետք է դառնա միջազգային տոն, և խորհուրդ է տրվել, որպեսզի օրը անդամ պետություններում նշվի որպես պետական, ոչ աշխատանքային օր: Ներկայում ՄԱԿ-ն ունի 192 անդամ պետություն:

    Կազմակերպության գլխավոր քարտուղարի խոսքով՝ աշխարհի ցանկացած անկյունում ՄԱԿ-ը հանդիսանում է «հույսի մարմնավորում»: ՄԱԿ-ը յուրաքանչյուր մարդու սրտում և գիտակցության մեջ ապրում է որպես կազմակերպություն՝ ունակ վերջ դնելու բռնությանը, արմատավորելու հանդուրժողականություն, աջակցելու զարգացմանը ու ապահովելու հավասարություն, պաշտպանելու մարդու իրավունքներն ու կրճատելու աղքատության մասշտաբները:

    Ավանդաբար այս օրը Գլխավոր Ասամբլեայի դահլիճում անցկացվում է համերգ, կազմակերպվում են հեռուստակամուրջներ: ՄԱԿ-ի նախաձեռնությամբ հոկտեմբերի 24-ին նշվում է նաև Զարգացման մասին տեղեկատվության համաշխարհային օրը:

    ԿԱՅՔԻ ՀԻՆ ՏԱՐԲԵՐԱԿ

    Լրահոս