Մոսկվան կտրականապես համաձայն չէ Փաշինյանի հետ. Հայաստանի համար ՀԱՊԿ-ից վտանգ չկա. Պեսկով
Պաշտոնապես ասում եմ՝ ՀՀ-ն ուզում է և պատրաստ է անցում տալ Բաքվին նույն պայմանով, ինչ Իրանը. Փաշինյան
«Խաղաղության պայմանագիրն» է, որ պետք է լուծի գերիների վերադարձի հարցը, անկախ նրանից՝ դա այնտեղ գրված է, թե՝ չէ. Վարչապետ
Եթե ՀՀ տարածքով Ադրբեջանից տարանցիկ գազամուղ անցնի, Ադրբեջանից գազ ներկրելու տարբերակը չի կարելի բացառել. Փաշինյան
Հիմնանորոգվում է Սևանի տրանսպորտային հանգույցը
Տավուշի մարզի Սարիգյուղ բնակավայրում պայթյունի հետևանքով զոհվածին կհուղարկավորեն Կոթիում
Ինչ է կատարվում Ռուբեն Վարդանյանի և մյուս հայերի հետ ադրբեջանական բանտերում. BBC-ի անդրադարձը
Առաջարկվում է ԱՊՊԱ ոլորտում պատահարները գրանցել նաև ճանապարհների տեսախցիկների օգնությամբ
Անվտանգային այն ճարտարապետությունը, որը որդեգրել ենք, ցույց է տվել իր անարդյունավետությունը. Փաշինյան
Ադրբեջանում հավատարմագրված դեսպաններն այցելել են Քելբաջար

Այսպես գնա, մի օր կստեղծվի ատամնաբույժների ակադեմիա, եթե դեռ չի ստեղծվել. Փաշինյանը՝ զուգահեռ իրականությունների մասին

09:55 2 Օգոստոս 2018

Մեր իրականության ամենակարեւոր խնդիրներից մեկը զուգահեռ իրականությունների գոյությունն է: Այս մասին, այսօր՝ օգոստոսի 2-ին, կառավարության նիստի ավարտին հայտարարեց ՀՀ վարչապետ Նիկոլ Փաշինյանը:

Նրա խոսքով, մի կողմից կա Սահմանադրությունը, որ հարաբերությունները պետք է կարգավորվեն այսպես-այսպես, մյուս կողմից կա իրականություն, որտեղ հարաբերությունները կարգավորվում է լրիվ այլ կերպ:

«Մեր խնդիրն այդ երկու իրականությունները սինխրոնիզացնելն է, եւ մենք հիմա այդ գործով ենք զբաղված: Հիմա վարչապետի պաշտոնը ստանձնելուց հետո տեսում եմ, որ զուգահեռ իրականություններ ունենք նաեւ կառավարման ոլորտում, կրթության ոլորտում՝ մասնավորապես»,- ասաց նա:

Նա օրինակ բերեց, որ ՀՀ-ի տարբեր գերատեսչությունների կազմում կան կրթական հաստատություններ, ինչպես, օրինակ, Դիվանագիտական ակադեմիա, ԱԻՆ ակադեմիա, Արդարադատության ակադեմիա, Պետական կառավարման ակադեմիա եւ այլն. «Մյուս կողմից կան բուհական համակարգեր, որտեղ պատրաստում են իրավաբաններ, դիվանագետներ եւ այլն: Այս զուգահեռ կրթական իրականությունը ծագել է այն պատճառով, որ պրակտիկ գործով զբաղվող օղակները համարել են, որ ավանդական կրթական համակարգը չի մատակարարում այն մակարդակի մասնագետներ, որոնց հնարավոր լինի ներգրավել կոնկրետ աշխատանքի մեջ:

«Հիմա վստահաբար կարելի է ասել, որ օրինակ, ԱԻՆ ակադեմիայում շատ ավելի լավ մասնագետներ են պատրաստում պրակտիկ առումով, քան պայմանական ասած, ավանդական բուհական համակարգում: Արդյոք այստեղ տրամաբանության խնդիր չունե՞նք, եւ արդյոք ժամանակը չէ՝ մտածենք, որ սինխրոնիզացնենք կրթական համակարգը, մասնավորապես, այն բուհերը, որոնք պետք է պատրաստեն մասնագետ, իրոք պատրաստեն որակյալ մասնագետ, այլ ոչ թե մասնագետ, որը պրակտիկապես ձեռնտու չեն տվյալ ոլորտին»,- ասաց նա:

Անդրադառնալով լուծման տարբերակներին, Փաշինյանն ասաց. «Օրինակ՝ եթե համոզված ենք, որ Դիվանագիտական ակադեմիան ավելի լավ կրթություն է տալիս՝ ունենալով մագիստրատուրայի կարգավիճակ, ինչո՞ւ չենք նույնականացնում, օրինակ, այդ ակադեմիան ԵՊՀ արտաքին հարաբերություների ֆակուլտետի մագիստրատուրայի հետ:

Սինխրոնիզացումը կբերի, նախ, առաջինը, կադրերի պատրաստման առավել արդյունավետ համակարգ ունենալուն, եւ, երկրորդը, հսկայական պետական միջոցներ կխնայվեն. նույն նպատակի համար երկու անգամ պետական միջոցներ ենք ծախսում»,- ասաց նա: փաշինյանը նաեւ նկատեց, որ եթե այս տարանջատման սկզբունքով գնան, մի օր կստեղծվի ատամնաբույժների ակադեմիա, եթե դեռ չի ստեղծվել:

Իր հերթին ԿԳ նախարար Արայիկ Հարությունյանը խոսեց հայաստանյան բուհերի ներքին ցանց ստեղծելու գաղափարի մասին, երբ ուսանողը հնարավորություն կունենա տարբեր կրթական համակարգերի շրջանակներում դասընթացներ վերցնել եւ կրթություն ստանալ այն բուհերում, որտեղ որակը բարձր է: «Այդ դեպքում ունենալու ենք օպտիմալացման խնդիրը: Մեկ տարվա ընթացքում կտրուկ գործողությունները ճիշտ չեն լինի, որովհետեւ էստեղ մենք գնահատման խնդիր ունենք: Մենք չենք գնահատել, թե ԵՊՀ իրավաբանության ֆակուլտետն է ավելի լավ գիտելիք տալիս, թե Արդարադատության ակադեմիան»,-ասաց նախարարը:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ