Բանակում առաջնորդվում են գաղութային օրենքներով.Հ. Կարապետյան

10:31 26 Հունվար 2012

«Զինված ուժերի բազմաթիվ թերություններ գալիս է նրանից, որ բանակում օրենքները չեն գործում: Բանակն իր հարաբերություններում սերժանտների և շարքայինների հետ առաջնորդվում է ոչ թե օրենքներով, այլ կառավարության որոշումներով, հրամանններով և խորհրդային շրջանից ժառանգած ավանդույթներով' «դեդովշինա», գաղութային օրենքներ և այլն»,-այսպես ներկայացրեց ՀՅԴ խմբակցության պատգամավոր, պաշտպանության, ներքին գործերի եւ ազգային անվտանգության խորհրդարանական հանձնաժողովի նախագահ Հրայր Կարապետյանը:

Վերջինս խոսելով 20-ամյա բանակի թերությունների մասին, նշեց, որ իրավունքների և պարտականությունների հարցում սպայական անձնակազմը թերանում է:

«Զինվորն արձակուրդ պետք է գնա օրենքով սահմանված կարգով և ժամկետում, որպեսզի կոռուպցիոն ռիսկերից խուսափենք: Ամենաշատը մեկ ամիս կարող է հրամանատարը ուշացնել արձակուրդը, դրանից ավել նա իրավունք չունի: Չի կարող լինել դեպք, երբ հրամանատարը սպասի այնքան մինչև ծնողը գնա իրեն տեսնելու»,-մեջբերեց Հրայր Կարապետյանը

Բանախոսն անդրադառնալով պայմանագրային հիմունքներով ծառայողներին, նշեց, որ նրանց թիվը գնալով ավելանում է մեր բանակում և շատ շուտով կանցնենք 100%-անոց պրոֆեսիոնալ բանակի կազմավորմանը:

«Շատ եմ լսել, որ ասում են, որ պատերազմ լինի, ոչ ոք չի գնալու բանակ, ես հիմա կարող եմ վստահ ասել, որ այդպես չի: Եթե պատերազմի վտանգ չլինի, մենք կանցնենք 100 տոկոս պրոֆեսիոնալ բանակի: Լավ օրից չէ, որ տղաները զորակոչվում են բանակ»,-վստահեցրեց բանախոսը:

Խոսելով 20-ամյա բանակի ձեռքբերումների մասին Հրայր Կարապետյանը նշեց, որ բանակն այսօր մեր ամենակայացած կառույցն է, որն իր առջև դրված խնդիրը կատարում է գերազանց' հայ ժողովրդի անվտանգության երաշխիքների ապահովման հարցում:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ