Բարերար Հրաչյա Պողոսյանն առաջարկելու է հուշակոթող կանգնեցնել Ծիծեռնակաբերդի բարձունքում (Video)

13:47 15 Հունվար 2016

Ամենայն Հայոց կաթողիկոս Գարեգին երկրորդի և Մոսկվայի և Համայն Ռուսիո պատրիարք Կիրիլի օրհնությամբ, «Պաշարված Լենինգրադի բնակիչներ» և «Մեծ Հայրենական պատերազմի վետերանների խորհուրդ» հասարակական կազմակերպությունների անդամների աջակցությամբ բարերար Հրաչյա Պողոսյանն իրագործում է իմ բարեգործական առաքելությունը: 45 տարեկան Հրաչյա Պողոսյանի ջանքերով ստեղծվել են 50 և ավելի մշակույթի, հոգևոր և պատմական նշանակության կառույցներ և հուշակոթողներ, որից 14-ը նվիրված են հայրենական պատերազմում զոհվածների հիշատակին, 5-ը` Եղեռնի զոհերի հիշատակին: Հուշակոթողներից վեցն էլ տեղադրված են 6 տարբեր երկրներում` Բելառուսիա, Մոնղոլիա, Վրաստան, Ռուսաստան, Սլովակիա, Հայաստան: Իր անձնուրաց աշխատանքի համար նա պարգևատրվել է բազմաթիվ և տարբեր մրցանակներով՝ Հայ Առաքելական եկեղեցու «Սուրբ Գրիգոր Լուսավորիչ» շքանշանի ասպետ, Ռուս ուղղափառ եկեղեցու «Փառք ու Պատիվ» 3 աստիճանի շքանշանով, Ալեքսանդր Նևսկու երկրորդ կարգի շքանշանով, Ռուսաստանի Դաշնության պաշտպանության նախարարության գեներալ Կամարովսկու, Հայաստանի Հանրապետության պաշտպանության նախարարության «Մարշալ Բաղրամյան» մեդալներով: Ռուսական հարաբերությունների զարգացման գործում ունեցած ներդրման համար ՀՀ-ում ՌԴ արտակարգ և լիազոր դեսպան՝ Իվան Վոլինիկինի ձեռքով պարգևատրվել է ՌԴ արտաքին գործերի նախարարության «Փոխգործակցության համար» կրծքանշանով: Ինչպես նաև Հայաստանի անկախության օրվա կապակցությամբ ՀՀ նախագահի կողմից նրան շնորհվել է պետական բարձրագույն պարգև՝ «Մովսես Խորենացի» մեդալ: Այժմ էլ Հրաչյա Պողոսյանն առաջարկելու է մեկ ու կես միլիոն սրբադասված հայերի հիշատակին նվիրված 6 մետր բարձրությամբ հուշակոթող կանգնեցնել Ծիծեռնակաբերդի բարձունքում: Հրաչյա Պողոսյանի մեկենասությամբ նաև բազմաթիվ գրքեր են հրապարակվել, որոնք առանձնանում են իրենց ռազմական թեմաներով: Վերջերս լույս տեսած գրքերից մեկն էլ Սերժ Մանուկյանի հեղինակած Բարի գործերի սերմնացանը գիրքն է: Հրաչյա Պողոսյան անհատի ու նրա հետ համագործակցող անձանց օրինակով հեղինակը դրվատում է մեր հանրային-ազգային առաջընթացին անչափ հարկավոր առաքինությունները: Հայրենիքից հեռու, հայրենիքի սրտում ապրող Հրաչյա Պողոսյանը համոզված է, որ հուշարձանը դա քարե շինություն չէ, դրա մեջ կա մարդկային հոգի, շունչ ու կյանք:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ