Ճապոնիայի նախկին վարչապետ Սինձո Աբեն մահացել է

14:59 8 Հուլիս 2022

Ճապոնիայի նախկին վարչապետ Սինձո Աբեն մահացել է իր դեմ կատարված մահափորձից հետո։ ՏԱՍՍ-ի փոխանցմամբ՝ այս մասին հայտնել է Ճապոնիայի հանրային հեռուստատեսությունը։

Հիշեցնենք, որ Ճապոնիայի նախկին վարչապետ Սինձո Աբեի նկատմամբ հրազենի կիրառմամբ մահափորձ է կատարվել: Նա վիրավոր է, անգիտակից վիճակում հոսպիտալացվել էր: Դեպքը տեղի է ունեցել Նարա քաղաքում նրա ելույթի ժամանակ՝ տեղի ժամանակով մոտ 11։30-ին (Երևանի ժամանակով 06.30-ին), հայտնում է Kyodo գործակալությունը:

Լսվել է 2 կրակոց, որից հետո քաղաքական գործիչն ընկել է: Չարագործը կրակ է արձակել թիկունքից, փամփուշտները հայտնվել են կրծքավանդակի շրջանում: Որոշ ԶԼՄ-ներ հայտնում են, որ վնասվածքը եղել է պարանոցի հատվածում:

Դեպքի վայրում ոստիկանությունը ձերբակալել է 40-ամյա Տեցույա Յամագամիին: Կասկածյալը դիմադրություն չի ցուցաբերել

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Ճապոնիայի նախկին վարչապետ Սինձո Աբեն մահացել է

Լրահոս

Փոխկապակցված նորություններ

Տնտեսություն

Հասարակություն