17:56:48 15°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Չեն կարող մեր անձնական տվյալները վերցնեն, դռները փակեն և ասեն՝ հոպ, մոտ չգաք.Փաշինյան

    13:56 29 Փետրվար 2024

    Մենք պետք է քաղաքականությամբ խրախուսենք, հորդորենք, որ ընկերությունները դառնան բաց բաժնետիրական, բայց մի կետ պետք է գա, որ եթե մեր խրախուսման ծրագրերը, հորդորները էֆեկտ չեն տալիս, ուրեմն պետք է գնանք այլ մեխանիզմի, ընդհուպ պետք էգնալ հարկային դիվերսիֆիկացիայի մեխանիզմով: Այս մասին այսօր՝ փետրվարի 29-ին, կառավարության նիստում հայտարարեց վարչապետ Նիկոլ Փաշինյանը:

    Նշենք, որ այսօրվա նիստում կառավարությունը որպես նվիրատվություն ընդունեց «ՄՏՍ Արմենիա» ՓԲԸ–ի 20 տոկոս բաժնետոմսերը։

    «Պետք է ասենք՝ դու բաց բաժնետիօրական ընկերություն ես, ուրեմն այս հարկն է գործում, եթե ոչ, ապա այլ հարկային մեխանիզմ է գործում՝ ընդ որում պետական վերահսկողության որոշակի մեխանիզմներով:

    Ես չեմ կարծում, որ մի երկիր կա, որ ասում է՝ թող օտարերկրյա ներդրողները գան, մեր հեռահաղորդակցության ոլորտը վերցնեն որպես 100 տոկոս սեփականություն եւ մենք էլ առանձնապես գաղափար չունենանք, թե այնտեղ ինչ է կատարվում: Ես  բացառում եմ, չի կարող լինել այդպիսի բան: Եթե որեւէ երկրում այդպիսի բան ասվում է, ուրեմն այլ մեխանիզմներ կան կարգավորման:

    Թող ոչ ոք մեզ խեթ հայացքով մեզ չնայի, սա մեր հրապարակային քաղաքականությունն է:

    Մենք կորոշենք՝ որոնք են այդ ոլորտները, որ եթե X  պահին չգնացին բաց բաժնետիրացման, ուրեմն ուրիշ հարկեր պետք է տան, պետք է ասենք՝ ուրեմն ձեզ համար շահութահարկը էսքան ա, եկամտային հարկը էսքան ա, ավելացված արժեքի հարկը էսքան ա, լիցեզնաիյի վճարը էսքան ա: Երկրաժամկետ հեռանկարում էլ պետք է ընդհանրապես բացառենք այդպիսի ընկերությունների գոյությունը շուկայում:

    Ի՞նչ է նշանակում` մեր բոլորի հեռախոսի համարները, անձնական տվյալները վերցնեն ու գնան, դռները փակեն, ասեն` հո՛պ, հանկարծ ոչ մեկդ մոտ չգաք։ Չի՛ կարող նման բան լինի։ Ես ուղիղ հեռահաղորդակցման մեր ոլորտին այդ ուղերձը հղում եմ»,– հայտարարեց Փաշինյանը։

    Նա հիշեցրեց, որ պետության մասնակցութամբ բաժնետոմսեր առաջինն ունեցավ Զանգեզուրի պղնձամոլիբդենային կոմբինատը, հետո «Լիդիան Արմենիան», իսկ հիմա արդեն «ՄՏՍ Արմենիան», որը, վարչապետի տվյալներով, բաժանորդների ամենամեծ թիվն ունի ՀՀ–ում։

    ԿԱՅՔԻ ՀԻՆ ՏԱՐԲԵՐԱԿ

    Լրահոս