ԱՄՆ-ից սահմանային անվտանգության հատուկ թիմ կժամանի ՀՀ՝ ամրապնդելու անվտանգության ուղղությամբ համատեղ աշխատանքը. Բլինքեն
ՀՀ-ԱՄՆ ռազմավարական գործընկերության մասին փաստաթուղթը կնպաստի ավելի անվտանգ ու խաղաղ Հարավային Կովկասի ստեղծմանը․ Բլինքեն
Սկսում ենք բանակցությունները ԱՄՆ-ի հետ միջուկային համագործակցության համաձայնագրի շուրջ. Միրզոյան
ՔՊ նիստում ամփոփվել են Փարաքարի նախնական ընտրությունների արդյունքները
Միտված ենք ամրապնդելու Հայաստանի Հանրապետության ինքնիշխանության պաշտպանությունը. Բլինքեն
Հայաստանի և ԱՄՆ-ի միջև ստորագրվեց ռազմավարական գործընկերության մասին փաստաթուղթը
Վաշինգտոնում ստորագրվում է ՀՀ-ի և ԱՄՆ-ի միջև ռազմավարական գործընկերության մասին փաստաթուղթը՝ ուղիղ
Տրանսպորտային քարտերը հնարավոր է ձեռք բերել նաև Երևանի մետրոպոլիտենի 10 կայարաններից
Արարատ Միրզոյանի այցը Ռուսաստան պլանավորվել է ավելի քանի երկու ամիս առաջ. ԱԳՆ
Թուրքիայի ԱԳ նախարարն ասել է, որ Լիբիայում, Ղարաբաղում, Սիրիայում և Իրաքում կատարվել են Էրդողանի հրամանները

Միգրացիայի և քաղաքացիության ծառայությունը շարունակում է շրջիկ ձևաչափով ծառայությունների մատուցումը

23:12 4 Դեկտեմբեր 2024

ՆԳՆ Միգրացիայի և քաղաքացիության ծառայությունը հաղորդագրություն է տարածել․

«Հարգելի՛ քաղաքացիներ

Հիշեցնենք, որ ՆԳՆ Միգրացիայի և քաղաքացիության ծառայության աշխատանքներն առավել արդյունավետ կազմակերպելու, քաղաքացիներին մատուցվող ծառայություններն առավել հասանելի դարձնելու, ինչպես նաև ԼՂ-ից բռնի տեղահանված անձանց` ՀՀ քաղաքացիություն ստանալու վերաբերյալ դիմումների ընդունմանն աջակցելու նպատակով վաղը շրջիկ ձևաչափով ծառայություններ կմատուցվեն

դեկտեմբերի 5-ին՝ ժամը 10.00-12.00, Սյունիքի մարզի Տաշտուն բնակավայրում (Մեղրի համայնք),

դեկտեմբերի 5-ին՝ ժամը 14.00-16.00, Սյունիքի մարզի Գեղի բնակավայրում (Քաջարան համայնք)։

Շրջիկ ձևաչափով ծառայությունների մատուցման ժամանակ ԼՂ-ից բռնի տեղահանված անձինք կարող են ներկայացնել ՀՀ քաղաքացիություն ստանալու դիմում, մասնավորապես՝

1․ ծննդյան վկայական,

2․ անձնագիր,

3․ ծննդականում կամ անձնագրում որևէ տվյալի փոփոխության դեպքում՝ հավաստող փաստաթուղթ (տվյալի փոփոխման վկայական/ամուսնության վկայական)։ 28․11․1981 թվականից հետո ծնված անձինք պետք է ներկայացնեն ծնողների անձը հաստատող փաստաթղթերը, այդ թվում՝ մահվան վկայականը, ծնողների ամուսնության կամ հայրության ճանաչման վկայականը կամ միայնակ մայր հանդիսանալու վերաբերյալ տեղեկանքը կամ դրանց պատճենները,

4․ 35 x 45 մմ չափսի 6 լուսանկար,

5․ տեղում անհրաժեշտ է լրացնել հարցաթեթիկ։ Ներկայացվող բոլոր փաստաթղթերը պետք է լինեն հայերեն, հակառակ դեպքում՝ թարգմանված լինեն և նոտարական հաստատմամբ։

Անձնագրի փոխանակման համար անհրաժեշտ է ներկայացնել

1․ անձնագիր,

2․ 35 x 45 մմ չափսի 2 լուսանկար,

3․ արական սեռի ներկայացուցիչները զինվորական գրքույկ, կամ տեղեկանք զինկոմիսարիատից,

4․ 1000 ՀՀ դրամ պետական տուրք։

Անչափահասների առաջին անգամ անձնագրավորման համար անհրաժեշտ է ներկայացնել

1․ ծննդյան վկայական,

2․ ամուսնության վկայական,

3․ ամուսնության բացակայության դեպքում՝ հայրության վկայական, եթե չկա հայրություն՝ միայնակության փաստաթուղթ,

4․ ծնողների անձնագրերի պատճենները,

5․ 35 x 45 մմ չափսի 2 լուսանկար,

6․ 1000 ՀՀ դրամ պետական տուրք»։