Գազամատակարարման պլանային դադարեցումներ կլինեն
Կաթողիկոսի օրհնությամբ Հայոց բանակի օրվա առիթով կատարվեց Հանրապետական մաղթանք
Ադրբեջանական ֆաշիզմ և հայկական փաշիզմ, երկուսն էլ արմատախիլ ենք անելու․ «Հայաքվե»
Թրամփը նշել է, որ իր առաջին արտասահմանյան այցը կարող է լինել Սաուդյան Արաբիա կամ Բրիտանիա
Սոցցանցերում տարածվում են երեխաների մասնակցությամբ տեսանյութեր, որոնք նրանց բուլինգի ենթարկելու պատճառ են դառնում․ ՄԻՊ
Բելառուսը կցանկանար համագործակցել Միացյալ Նահանգների հետ, այն աշխարհի առաջատար երկիրն է․ Ալեքսանդր Լուկաշենկո
«Էովին» փոթորկի հետևանքով Հյուսիսային Իռլանդիայում ավելի քան 100,000 մարդ մնացել է առանց էլեկտրականության
Փաստացի Փաշինյանն ինքն է հրաժարվել Լեռնային Ղարաբաղից. Լուկաշենկո
Թրամփը ցանկանում է Գազայի հատվածում ապրող ավելի քան 1 մլն պաղեստինցու «ժամանակավորապես» բնակեցնել Հորդանանում և Եգիպտոսում
Մասկն առաջարկել է Ֆրանսիայի և Մեծ Բրիտանիայի միջև գտնվող Լա Մանշը վերանվանել Ջորջ Վաշինգտոնի պատվին

ԵԱՀԿ երիտասարդ պատգամավորները հանդիպել են Վաշինգտոնում

10:20 4 Փետրվար 2020

Ապագան երիտասարդությանն է պատկանում եւ հենց երիտասարդությունը պետք է որոշիչ խոսքի իրավունք ունենա այդ ապագան կերտելիս. Հենց այս գաղափարով Միացյալ Նահանգների Կոնգրեսի նախաձեռնությամբ Վաշինգտոնում կայացավ ԵԱՀԿ անդամ-պետությունների մի շարք խորհրդարանների երիտասարդ պատգամավորների հանդիպումը:

Կոնգրեսական Ալսի Հասթինգսի համոզմամբ, զարգացած հասարակություն հնարավոր է կառուցել միայն երիտասարդների լիարժեք ներգրավմամբ.

«Կոչ եմ անում բոլորիդ դիտարկել այս հանդիպումը որպես հլավ հնարավորություն՝ ապագայի խնդիրների լուծումներ մշակելու համար, քանի որ հենց երիտասարդները պետք է լուծեն ապագայում մեզ սպասող խնդիրները»:

Հայաստանը ներկայացնող «Լուսավոր Հայաստան» խմբակցության պատգամավոր Կարեն Սիմոնյանը նախատեսում է Վաշինգտոնում երկօրյա հանդիպումների ընթացքում նոր կապեր հաստատել այլ երկրները ներկայացնող խորհրդարանական գործընկերների հետ.

«Առաջին հերթին հենց մարդկային շփումն է հիմք դնում նրան, ինչը կոչվում է խորհրդարանական դիվանագիտություն, որն ապագայում անհրաժեշտ է երկրի արտաքին քաղաքականության մշակման համար»:

Սիմոնյանի խոսքով, նոր միջազգային կապերը կարեւոր դեր են խաղում երիտասարդ քաղաքական գործիչների առաջխողոցման համար.

«Այսօր առավել քան երբեւէ, երբ աշխարհը փոխվում է, վտանգներն ու սպառնալիքները ավելանում են, կարեւորվում է անվտանգությունն ու համագործակցությունը»:

Վաշինգտոնում, Միացյալ Նահանգների Կոնգրեսի շենքում շուրջ 25 երկրներից ժամանած երիտասարդ օրենսդիրները միմյանց հետ քննարկելու են արդիական մարտահրավերները եւ դրանց լուծման գաղափարներ մշակեն: Երկօրյա քննարկումները նախագահող ԵԱՀԿ Խորհրդարանական Վեհաժողովի նախագահ Գեորգի Ցերետելին իր բացման խոսքում ընդգծեց՝ կազմակերպության բազմաթիվ անդամ պետություններում օրենսդիր եւ գործադիր իշխանության են եկել երիտասարդ ուժերը եւ դա՝ օրինաչափ է.

«Անկեղծ լինենք՝ երիտասարդ սերունդն ավելի լավն է. նրանք ավելի լավ կրթություն ունեն, ավելի համարձակ են, ավելի անկեղծ եւ նրանք նույնիսկ ավելի լավ են կողմնորոշվում այս բարդ քաղաքական ոլորտում»:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

ԵԱՀԿ երիտասարդ պատգամավորները հանդիպել են Վաշինգտոնում

Լրահոս

Փոխկապակցված նորություններ

Միջազգային լուրեր

Տնտեսություն