02:47:07 -1°C
  • USD - 482.28 ֏
  • EUR - 568.13 ֏
  • RUB - 6.53 ֏

    • ԵԱՏՄ բարձրագույն խորհրդի ոչ բոլոր անդամներն են ցանկալի ՀՀ-ի համար. Փաշինյան

    19:47 4 Դեկտեմբեր 2024

    Հայաստանի վարչապետ Նիկոլ Փաշինյանն է անձամբ ոչ նպատակահարմար համարել Եվրասիական տնտեսական բարձրագույն խորհրդի նիստի անցակցումը Հայաստանում: Այս մասին ասաց հենց ինքը՝ Փաշինյանը՝ ԱԺ-ում կառավարության հետ հարցուպատասխանի ժամանակ:

    Նա, մասնավորապես, նշեց. «Ուզում եմ ուղիղ ասել, որ ես անձամբ աննպատակահարմար եմ համարել միջոցառման անցկացումը Հայաստանի Հանրապետությունում, որովհետև, ցավոք, ձեզ հայտնի հանգամանքների բերումով Եվրասիական տնտեսական բարձրագույն խորհրդի ոչ բոլոր անդամներն են, որ ցանկալի են Հայաստանի Հանրապետության համար»:

    Անդրադառնալով Հռոմի ստատուտի վավերացման ու Ռուսաստանի Դաշնության նախագահ Վլադիմիր Պուտինի հնարավոր ձերբակալության փոխկապակցվածութան վերաբերյալ պատգամավորի հարցին՝ վարչապետն ասաց. «Երբ մենք Հռոմի ստատուտը վավերացրել ենք, այդ ընթացքում հաղորդակցության մեջ ենք եղել Ռուսաստանի մեր գործընկերների հետ: Եվ մենք նրանց բերել ենք ԱՄՆ-ի հետ մեր օրինակը: Մենք ԱՄՆ-ի հետ ունենք երկկողմ համաձայնագիր, որը որոշակի առանձնահատկություններ է ընդգծում Հռոմի ստատուտի շրջանակներում մեր ու իրենց հարաբերություններում: Մենք նույն մեխանիզմն առաջարկել ենք ՌԴ-ին, բայց ՌԴ-ն ինչ-ինչ պատճառներով համաձայնություն չի տվել դրան»:

    Ռուսաստանի նախագահի օգնական Յուրի Ուշակովը հայտարարել էր, որ Հայաստանի խնդրանքով դեկտեմբերի 25-ին կայանալիք ԵԱՏՄ գագաթնաժողովը կայանալու է Ռուսաստանում՝ Սանկտ Պետերբուրգում։

    Հաաստանի ԱԳՆ-ից պարզաբանել էին, որ ԵԱՏՄ շրջանակներում գործող կանոնակարգով նախատեսված չէ, որ Եվրասիական տնտեսական բարձրագույն խորհրդի նիստն անպայմանորեն անց է կացվում ԵԱՏՄ կանոնադրական մարմիններում նախագահող անդամ պետությունում: ԵԱՏՄ-ում նախագահող երկիրն այս տարի Հայաստանն է:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Տնտեսություն

    ՏԵՍՆԵԼ ԱՎԵԼԻՆ

    Հասարակություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2025 . Բոլոր իրավունքնրը պաշտպանված են։
    Նախագծող՝ Studio One