07:02:29 -1°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Երևանի ավագանին ընտրեց քաղաքապետի 4 տեղակալ

    12:37 29 Հոկտեմբեր 2018

    Այսօր՝ հոկտեմբերի 29-ին, Երևանի ավագանու նիստում քննարկվեց Երևանի քաղաքապետարանի և վարչական շրջանների ղեկավարների աշխատակազմերի կառուցվածքը, հաստիքացուցակը, աշխատակիցների թվաքանակը, Երևանի քաղաքապետի, նրա տեղակալների, խորհրդականների, օգնականների, մամուլի քարտուղարի, քաղաքապետարանի աշխատակազմի աշխատակիցների, վարչական շրջանների ղեկավարների, ղեկավարների տեղակալների, վարչական շրջանի ղեկավարի աշխատակազմերի աշխատակիցների պաշտոնային դրույքաչափերը հաստատելու հարցը:

    Տիգրան Վիրաբյանը, Սերգեյ Հարությունյանը, Հայկ Սարգսյանն ու Հրաչյա Սարգսյանն ընտրվեցին փոխքաղաքապետներ: Հրաչյա Սարգսյանն ընտրվեց քաղաքապետի առաջին տեղակալ:

    Ընտրվելուց հետո Երևանի առաջին փոխքաղաքապետ Հրաչյա Սարգսյանն ասաց, որ իր առաջին քայլը լինելու է թղթաբանության հնարավորինս կրճատումը։ «Թղթաբանությունը շարունակվում է այս ինֆորմացիոն դարաշրջանում։ Սրանից հրաժարվելը հնարավորություն կտա քաղաքացիների ներկայացրած դիմումների ժամանակահատվածը կրճատել»,-նկատեց նա:



    Նորանշանակ փոխքաղաքապետ Հայկ Սարգսյանը ծրագրում է նոր լուծումներ բերել քաղաքային կառավարման համակարգում՝ ֆինանսական և ծրագրային մոդելավորման, քաղաքի ենթակառուցվածքների բարելավման և երևանցիների կենցաղային ու կենսական պահանջմունքների բավարարումն ավելի նոր, ավելի բարձր մակարդակի բարձրացնելու համար։ 

    Նորանշանակ փոխքաղաքապետ Սերգեյ Հարությունյանն աշխատանքն ընդգրկելու է առևտրի և սպասարկումների, գովազդի և արտաքին ձևավորման, առողջապահության, քաղաքացիական պաշտպանության ոլորտները։

    Նա հայտնեց, որ փոխքաղաքապետի պաշտոնում իր առաջին քայլը լինելու է իր ենթակայության տակ գտնվող ստորաբաժանումների աշխատանքի էֆեկտիվության բարձրացումը։

    Իսկ Տիգրան Վիրաբյանն զբաղվելու է մշակութային, կրթության և երիտասարդության հարցերով։

    ԿԱՅՔԻ ՀԻՆ ՏԱՐԲԵՐԱԿ

    Լրահոս