Իսրայելում ավտոբուսի շրջվելու հետեւանքով 50 երեխա է տուժել
Ադրբեջանը շարունակելու է իր որդեգրած քաղաքականությունը՝ ոչնչացնել և վերացնել Արցախում հայկական ինքնությունը․ Մայր Աթոռ Սուրբ Էջմիածին
«Մի հատ քֆուր իմ բերնից դուրս չի գա». Վարդան Ղուկասյանը Մարությանին ու Թևանյանին օնլայն հանդիպման առաջարկ արեց
«Այսօր Հայաստանի Հանրապետությունը ոգեկոչում է 2020թ․ 44-օրյա պատերազմում և դրան հաջորդող շրջանում զոհված մեր բոլոր հայրենակիցների հիշատակը»․ ՀՀ ԱԳՆ
Շոշի, Խաչմաչի, Չարեքտարի, Ճանկաթաղի տարածքներից 11 աճյուններ են հայտնաբերվել ու տեղափոխվել Ստեփանակերտ
«Մայր Հայաստանը» պատրաստ է իր քվեն տալ Հայկ Մարությանին. դաշինքի հայտարարությունը
Ռուս խաղաղապահ զորախմբի ուղղաթիռները պայթյունի հետևանքով վիրավորված 142 բնակիչների տեղափոխել են Սիսիան. ՌԴ ՊՆ
Փաշինյան-Մակրոն հեռախոսազրույց է տեղի ունեցել․ քննարկել են Արցախում ստեղծված հումանիտար իրավիճակը
Ստեփանակերտում պայթյունի վայրից անձնական իրեր են հայտնաբերվել․ Ճանաչողները դիմեն ԱԻՊԾ օպերատիվ շտաբ․ Լուսանկարներ
Ժամը 19:00-ի դրությամբ Արցախից օդային ճանապարհով Հայաստան է տեղափոխվել 112 պացիենտ․ Առողջապահության նախարարություն

Երիտասարդներին հուզող հարցերը Կառավարության ուշադրության կենտրոնում են

06:24 22 Մայիս 2015

1. Պարոն Քարամյան այսօր խոսելու ենք մեր երկրում երիտասարդական պետական քաղաքականության ոլորտի զարգացման միտումներից: Ըստ Ձեզ, ո՞րն է այսօր նախարարության առաջնային խնդիրը երիտասարդական պետական քաղաքականության ոլորտում:

Ինչպես միշտ, այսօր ևս նախարարության առաջնային խնդիրը փաստարկված երիտասարդական պետական քաղաքականության մշակման և իրականացման արդյունավետության բարձրացումն է: Նախորդ տարի այդ նպատակով կառավարության կողմից նախարարության գերակա խնդիր էր հաստատվել Երիտասարդական պետական քաղաքականության մշակման շրջանակներում երիտասարդության մասնակցային գործընթացների խթանումը և ինստիտուցիոնալ հիմքերի զարգացումը:

Այս ուղղությամբ իրականացված կարևորագույն քայլը նախորդ տարեվերջին կառավարության կողմից Հայաստանի Հանրապետության երիտասարդական պետական քաղաքականության նոր՝ 2015-2025 թթ. հայեցակարգի հաստատումն էր: Ուրախությամբ պետք է նշեմ, որ նախարարության կողմից երիտասարդական ոլորտի մի շարք արդիական ուսումնասիրությունների հիման վրա մշակված ոլորտի այս հիմնարար փաստաթղթի հանրային քննարկումներին ակտիվորեն մասնակցել են նաև Երևանի և մարզերի բազմաթիվ երիտասարդական հասարակական կազմակերպություններ, երիտասարդներ:

2. Նախարարությունը պարբերաբար հրապարակում է մեր երկրի երիտասարդության, կարիքներին, ձգտումներին և հիմնախնդիրներին նվիրված ուսումնասիրություններ, ինչ նորություններ կան այս ոլորտում:

2014 թվականի վերջում հրատարակվեց մեր երկրի երիտասարդության թերևս ամենաառանցքային հիմնախնդիրներից մեկին՝ զբաղվածությանը նվիրված «ՀՀ երիտասարդների զբաղվածության հիմնախնդիրները» սոցիոլոգիական հետազոտության արդյունքների վերլուծությունը: Նախարարության համակարգի երիտասարդական ուսումնասիրությունների ինստիտուտի կողմից իրականացված այս ուսումնասիրության մեջ ներկայացվել են զբաղվածության հիմնախնդիրների ընդհանուր բնութագրերը, կրթական համակարգի և աշխատաշուկայի փոխկապակցվածությունը, ինչպես նաև հատուկ անդրադարձ է կատարվել հաշմանդամություն ունեցող երիտասարդների զբաղվածության հմնախնդիրներին:

3. Ինչպես նախորդ տարի, այս տարի ևս Հայաստանն ունի երիտասարդական մայրաքաղաք: Ո՞րն է ծրագրի նպատակը: Կպատմեք մի փոքր այդ մասին:

2013 թվականից մեր նախարարությունն իրականացնում է «Հայաստանի Հանրապետության տարվա երիտասարդական մայրաքաղաք» մրցույթը, որի գլխավոր նպատակն է խթանել ՀՀ տարածքային համաչափ զարգացումը և ավելի մարզակենտրոն դարձնել երիտասարդական պետական քաղաքականությունը՝ նպաստելով մարզերում երիտասարդական կազմակերպությունների և ենթակառուցվածքների զարգացմանը: Երիտասարդական մայրաքաղաքում են հիմնականում իրականացվում տվյալ տարվա երիտասարդական պետական քաղաքականության առանցքային ծրագրերը: «ՀՀ տարվա երիտասարդական մայրաքաղաք» առաջին մրցույթին՝ 2013 թվականին, մասնակցության հայտ էր ներկայացրել ընդամենը երկու քաղաք՝ Էջմիածինը և Սիսիանը: Մրցույթի արդյունքում Հայաստանի Հանրապետության 2014 թվականի երիտասարդական մայրաքաղաք հռչակվեց Սիսիանը: Ծրագրը մեծ աշխուժություն և խանդավառություն առաջացրեց մարզային երիտասարդության շրջանում: Եվ արդեն 2014 թվականին մրցույթի մասնակից քաղաքների թիվը բազմապատկվել էր: Հայաստանի Հանրապետության 2015 թվականի երիտասարդական մայրաքաղաքի կոչման համար մրցում էր 6 քաղաք՝ Եղեգնաձորը, Ծաղկաձորը, Կապանը, Չարենցավանը, Ստեփանավանը և Քաջարանը: Հաղթող ճանաչվեց Ստեփանավան քաղաքը:

4. Իսկ երիտասարդական մայրաքաղաքում միայն համայնքային կամ հանրապետական ծրագրեր և միջոցառումներ են իրականացվու՞մ, թե նաև միջազգային երիտասարդական համագործակցության ծրագրեր:

Իհարկե նաև միջազգային համագործակցության ծրագրեր: Օրինակ՝ Հայաստանի 2014 թվականի երիտասարդական մայրաքաղաքում՝ Սյունիքի մարզի Սիսիան քաղաքում անցկացվեց նշված ոլորտի կարևորագույն մի միջոցառում՝ ԱՊՀ մասնակից պետությունների երիտասարդության հարցերի խորհրդի հերթական նիստը, որին մասնակցել են ԱՊՀ երկրների երիտասարդական ոլորտի 28 պաշտոնյաներ, ինչպես նաև երիտասարդական աշխատողներ, փորձագետներ, որոնք ներկայացրել են ոլորտում իրենց երկրների փորձը, խնդիրները, քննարկել երիտասարդական քաղաքականության ոլորտի այլ հարցեր:

5. Շնորհակալություն հարցազրույցի համար:

Ձեզ շնորհակալություն:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Միջազգային լուրեր

ՏԵՍՆԵԼ ԱՎԵԼԻՆ

Տնտեսություն

ՏԵՍՆԵԼ ԱՎԵԼԻՆ