18:10:13 25°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Շատ կարեւոր զարգացումներ տեղի կունենան Լիբանան-Կիպրոս գիծին վրայ

    16:45 20 Հունիս 2024

    Սագո Արեյանը Ֆեյսբուքյան իր էջում գրում է․ 

    Շատ կարեւոր զարգացումներ տեղի կունենան Լիբանան-Կիպրոս գիծին վրայ։

    Խնդիրն այն է, որ «Հըզպալլա»ի առաջնորդ՝ Սէյիտ Հասան Նասրալլա, երէկ իր ունեցած ելոյթի ժամանակ խօսեցաւ Կիպրոս-Իսրայէլ համագործակցութեան մը մասին, որ իրենց սրտովը չէ։

    Բաց աստի ան նաեւ զգուշացուց Կիպրոսի իշխանութիւնները, որ եթէ կիպրական հողերէն Իսրայէլեան կործանիչներ Պէյրութ կամ Լիբանանի հարաւը հարուածեն, ապա իրենք եւս «համապատասխան» հակահարուածը պիտի տան։

    Կիպրոսի նախագահը, որ արձագանգեց Նասրալլայի խօսքերուն խորքին մէջ շատ անհամաչափ պատասխան մը շարադրած էր ըսելով, որ «Կիպրոս առկայ խնդրին չէ որ մաս կը կազմէ, այլ ան մաս կը կազմէ լուծումին»։

    Ըսեմ նաեւ, որ այս լարումէն առաջ Կիպրոս խոր մտավախութիւն յայտնած էր Լիբանանէն դէպի կղցի սուրիացի փախստականներու նոր հոսքի մը մասին։

    Այս պարագային ուրեմն «դիմադրութեան ճակատ»ը ունի երկու տեսակի հրթիռ։

    Առաջինը Իրանեան «Սահէր» (եւ ատոր եղբայրները) հեռահար հրթիռներն են, իսկ երկրորդ սուրիացի փախստականներու «հրթիռ»ը։

    Իսկ ինչ կը մտածէ սովորական կիպրացին, կամ ան որ Մերձ. Արեւելքէն խոյս տալով կղզի հասաւ ու իր համար ընդունելի կեանք մը կառուցեց։

    Այդ արդէն բոլորովին այլ պատմութիւն։

    Այս բոլորէն անդին, քիչ առաջ իմացայ, որ Պէյրութի մէջ գործող Կիպրոսի դեսպանատունը առժամաբար դադրեցուցած է իր գործունէութիւնը ու լիբանանցիներուն համար ներկայ փուլին, անկարելի է դէպի Կիպրոս վիզաներ (մուտքի արտօնութիւն) ստանալ։

    Հետտեւինք զարգացումներուն։

    ԿԱՅՔԻ ՀԻՆ ՏԱՐԲԵՐԱԿ

    Լրահոս