Հայաստանի ԱԳՆ-ն հետևում է Սիրիայում զարգացումներին. նոր որոշումների վերաբերյալ կտեղեկացվի լրացուցիչ
Սահմանադրության վերաբերյալ ՀՀ փաստարկները Բաքվին չեն գոհացրել, ՀՀ ՍԴ-ի որոշումը դժվարացրեց իրավիճակը. Բայրամով
Անհրաժեշտ է նպաստավոր պայմաններ ստեղծել ԱՊՀ երկրների տնտեսությունների մրցունակության ապահովման համար. Գրիգորյան
Լոռու և Տավուշի մի շարք համայքներում ջուր չի լինի
Ցեղասպանության զոհերի հիշատակը հարգելու լավագույն ձևը այդ ոճրագործությունների դեմ միջոցներ ձեռնարկելն է. Գուտերեշ
Մեր մենթալիտետի մեջ մտած է, որ մեր պետությունը մեր թշնամին է. Փաշինյանը նշեց, թե ովքեր են դա մտցրել
ՀՀ ոչ մի քաղաքացի իր ընտանիքի համար չի ծախսում ավելին, քան ծախսում է պետբյուջեն. Փաշինյան
ՊՆ-ն զգուշացնում է՝ Բերքաբեր և Կիրանց գյուղերի մոտակայքում պայթյուններ կիրականացվեն
«Ֆրանսիան մահաբեր զենքեր է տվել Հայաստանին». Հաջիև
«Քիչ է մնում Իջևանից փայտի վառարան ուզենք». վարչապետ

Երբ Նազենի Հովհաննիսյանի կերպարը ենթարկվում էր «քննադատության», գոնե մեկ հատ երկրորդ կարծիք չհնչեց․ Աննա Հակոբյանի գրառումը

11:12 14 Նոյեմբեր 2024

Երևանի Նորաձության Շաբաթ 2024-ի պոդիումում օրեր առաջ հայտնվեց մի կերպար, որը հաջորդող 18 ու կես ժամվա ընթացքում հանրային հասարակական քննարկման թիվ մեկ նյութը դարձավ։ Քննարկում բառը տվյալ դեպքում շատ բարձր է հնչում։ Առավելապես ծաղր, ավելի պակաս չափով՝ քննադատություն հիշեցնող ինչ-որ բաներ։ Այս մասին ֆեյսբուքյան իր էջում գրել է Աննա Հակոբյանը:

«Կերպարը մարմնավորում էր Հայաստանում եւ սփյուռքում հայտնի, շատերի կողմից սիրված դերասանուհի Նազենի Հովհաննիսյանը, ով սոցիալական ցանցերում հարյուր հազարավոր հետեւորդներ ունի։

Եթե սխալվում եմ, ուղղեք ինձ խնդրում եմ, բայց իմ փոքրիկ ուսումնասիրությունը ցույց տվեց, որ այդ 18 ու կես ժամվա ընթացքում, երբ դերասանուհին եւ իր մարմնավորած կերպարը ենթարկվում էին «քննադատության», նմուշի համար գոնե մեկ հատ երկրորդ կարծիք չհնչեց։

Մասնագիտական կարծիք, կերպարի վերլուծություն, դերասանի կարծիք, նկարչի, Նազենիի դասախոսներից մեկից կարծիք, Նազենիի արտիստ ընկերներից որեւէ մեկից կարծիք, չեզոք փորձագետի կարծիք, ստեղծագործական մտքի ազատությունը մարդու հիմնարար իրավունք լինելու մասին կարծիք, եվրոպաներում կրթված, ապրած, նորաձեւության պոդիումներում տարբեր կերպարների հանդիպածի որեւէ համեմատական կարծիք, ինքըզինքը առաջադեմ համարող որեւէ անձի կարծիք, միջազգայյին կառույցների հետ համագործակցող քաղհասարակությունից որեւէ կարծիք, ի վերջո մեր ազգային հպարտություններից մեկի՝ Սերգեյ Փարաջանովի «Նռան գույնը» ֆիլմով ներշնչված «911» երգի տեսհոլովակով երբեւէ ոգեւորած մարդու կարծիք։

Երբ փոթորիկը խաղաղվեց ու պարզվեց, որ կերպարն ու այն մարմնավորած դերասանուհին դեռ շնչում են, դերասանուհին ինքը փորձեց բացատրել ինչ էր դա, ինչի համար էր, ինչ իմաստ եւ նշանակություն ուներ եւ ահա արժանացավ իրեն սիրող հանդիսատեսի աջակցությանն ու քաջալերանքին՝ «Նազենի ջան, այդ չար մարդկանց նախանձն ու մաղձը անտեսիր, միշտ առաջ քայլիր, մենք քեզ սիրում ենք»՝ մոտավոր բովանդակությամբ։

Եթե վերեւում նկարագրվածը կարող է մտորումների տեղիք տալ եւ կասկած առաջանա, որ գուցե տվյալ դերասանուհին, կամ ոճաբանը ընդդիադիր հայացքներ ունեն եւ երկրորդ կարծիք չհնչեց այդ հանգամանքից ելնելով, ապա ուզում եմ հիշեցնել որ ճիշտ նույն ժամերին, մոտավորապես էլի 18 ժամ 40 րոպե իշխանական կանանցից մեկի կերպարը, որը 180 աստիճան տարբերվում էր վերը հիշատակված բեմական կերպարի փիլիսոփայությունից, «քննադատության» թիրախ էր (ոչ առաջին անգամ), եւ կրկին այդ 18 ժամ 40 րոպեի ընթացքում նմուշի համար գեթ մեկ երկրորդ կարծիք չհնչեց (ոչ առաջին անգամ)։
Բնականաբար ինչպես ընդդիմադիր դերասանուհին ունի իրեն սիրող մարդիկ ու հանդիսատես, այնպես էլ իշխանական այս տիկինն ունի ընկերներ, քաղաքական համախոհներ եւ այլն»,- գրել է նա։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ