06:37:06 -1°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Հայաստանը երբեք չի խոսել ՀԱՊԿ-ից դուրս գալու մասին. Ալեն Սիմոնյան

    16:37 5 Դեկտեմբեր 2022

    Հայաստանը երբեք չի խոսել ՀԱՊԿ-ից դուրս գալու մասին, սակայն Երևանը մտահոգված է Հայաստանի նկատմամբ կազմակերպության վերաբերմունքով։ Այսօր Մոսկվայում նման հայտարարությամբ է հանդես եկել Հայաստանի ԱԺ նախագահ Ալեն Սիմոնյանը։

    «Ադրբեջանն ամեն օր խախտում է հրադադարի ռեժիմը, ինչի հետևանքով մարդիկ են զոհվում։ ՀԱՊԿ-ի որոշակի պասիվությունը, ինչպես նաև մեր որոշ դաշնակիցների պաշտոնական հայտարարությունները պատճառ դարձան, որ Հայաստանում զգալի փոփոխության ենթարկվեցին կազմակերպության վերաբերյալ հասարակական տրամադրությունները»,- «Փաստինֆո»-ի հաղորդմամբ՝ Ալեն Սիմոնյանի խոսքերն է մեջբերում Ռիա-Նովոստին։

    «Մենք երբեք հայտարարություններ չենք արել ՀԱՊԿ-ից դուրս գալու մասին, մենք ասել ենք, որ ՀԱՊԿ-ը լքում է տարածաշրջանը, սա մեզ շատ մտահոգում է։ Տպավորություն է ստեղծվում, որ Հայաստանի տարածքը ՀԱՊԿ-ի համար հավասար ռազմավարական նշանակություն չունի, մինչդեռ մեծ ուշադրություն է դարձվում Արևելյան Եվրոպայի տարածաշրջանին և Կենտրոնական Ասիային»,- ՀԱՊԿ-ի խորհրդարանական վեհաժողովի խորհրդի նիստում ասել է Ալեն Սիմոնյանը։

    ԿԱՅՔԻ ՀԻՆ ՏԱՐԲԵՐԱԿ

    Լրահոս