13:50:38 24°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Հայ դատի հանձնախումբը երախտագիտություն է հայտնել սենատոր Մենենդեսին՝ անվտանգության ոլորտում Ադրբեջանին ցուցաբերվող օգնությունը դադարեցնելու մասին կոչով հանդես գալու համար

    08:23 28 Սեպտեմբեր 2020

    ԱՄՆ Հայ դատի հանձնախումբը (ANCA) Facebook-ի իր էջում երախտագիտություն է հայտնել ամերիկացի սենատոր Բոբ Մենենդեսին՝ անվտանգության ոլորտում Ադրբեջանին ցուցաբերվող օգնությունը դադարեցնելու մասին կոչով հանդես գալու համար։

    «Ես վճռականորեն դատապարտում եմ Լեռնային Ղարաբաղի վրա Ադրբեջանի հարձակումը, որը Թուրքիայի կողմից աջակցվող ագրեսիայի ևս մեկ գործողություն է։ Թրամփի վարչակազմը պետք է դադարեցնի անվտանգության ոլորտում Ադրբեջանին օգնության ցուցաբերումը»,- ավելի վաղ գրել էր սենատորը։

    Մենենդեսը նաև ընդգծել էր, որ «ԱՄՆ-ն ԵԱՀԿ Մինսկի խմբի միջոցով պետք է մասնակցի հրադադարի հաստատմանը»։

    ԱՄՆ Հայ դատի հանձնախումբը նաև կոչ է արել Արցախի նկատմամբ Ադրբեջանի սանձազերծած հարձակումը, Ադրբեջանին տրամադրվող ամերիկյան ռազմական օգնությունը դադարեցնելու կոչով դիմել ԱՄՆ նախագահ Դոնալդ Թրամփին, նախկին փոխնախագահ Բայդենին, ամերիկացի սենատորներին։

    Հիշեցնենք, որ սեպտեմբերի 27-ին՝ ժամը 07:15-ի սահմաններում, հակառակորդը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական հակամարտ զորքերի շփման գծի ողջ երկայնքով՝ թիրախավորելով նաև խորը թիկունքում տեղակայված բնակավայրերը, այդ թվում՝ մայրաքաղաք Ստեփանակերտը:

    Գիշերը մարտական գործողությունները շարունակվել են, մեր ԶՈւ-երը ունեն նշանակալի հաջողություններ: Այս մասին ֆեյսբուքյան իր էջում գրել է ռազմական փարձագետ Արծրուն Հովհաննիսյանը։

    «Սակայն դեռ հանգիստ չէ, մարտերը շարունակվում են, որոշ տեղերում հրետանային մենամարտեր են: Մեր զորքերի մասին ադրբեջանական կողմի հայտնած կորուստները չեն համապատասխանում իրականությանը»,- գրել է նա։

    Հիշեցնենք, որ Ադրբեջանը հարձակում է սկսել Արցախի ուղղությամբ, թե՛ զինվորականների, թե՛ բնակչության շրջանում կան զոհեր, Արցախում և ՀՀ-ում ռազմական դրություն և զորահավաք է հայտարարվել։

    Այս պահին պաշտոնական տվյալներով հակառակորդի դեմ ծավալված մարտերի ընթացքում զոհվել է 31 զինծառայող։ Երեկ և այսօր հրապարակվել են նրանց անունները։

    ԿԱՅՔԻ ՀԻՆ ՏԱՐԲԵՐԱԿ

    Լրահոս