23:52:27 0°C
  • USD - 482.28 ֏
  • EUR - 568.13 ֏
  • RUB - 6.53 ֏
  • ՀՀ-ն սպառողների շահերի պաշտպանության առումով տարածաշրջանի առաջատարն է

    12:57 9 Հուլիս 2015

    Հունիսի 25-27-ը Մինսկում Ֆինանսական ներգրավվածության միության հովանու ներքո կայացել է «Ֆինանսական ներգրավվածություն՝ կարգավորում եւ զարգացում» տարածաշրջանային համաժողով ԱՊՀ եւ Արեւելյան ու Կենտրոնական Եվրոպայի երկրների կենտրոնական բանկերի համար:

    Համաժողովին մասնակցել են նաեւ Ասիայի, Աֆրիկայի եւ Արեւմտյան Եվրոպայի կենտրոնական բանկերի ներկայացուցչներ` ներկայացնելով ֆինանսական ներգրավվածության ոլորտում իրենց երկրների փորձը:              

    Հայաստանի Հանրապետությունը համաժողովին ներկայացրել է ՀՀ կենտրոնական բանկի պատվիրակությունը՝ խորհրդի անդամ Վախթանգ Աբրահամյանի գլխավորությամբ:

    Պատվիրակության անդամ, ԿԲ սպառողների շահերի պաշտպանության եւ ֆինանսական կրթման կենտրոնի ղեկավար Արմենուհի Մկրտչյանը, ով ղեկավարում է նաեւ Ֆինանսական ներգրավվածության միության սպառողների շահերի պաշտպանության եւ շուկայական վարվելակերպի աշխատանքային խումբը, համաժողովի մասնակիցներին ներկայացրել է Հայաստանում բնակչության ֆինանսական ունակությունների վերաբերյալ կատարված հետազոտությունների արդյունքները, բնակչության ֆինանսական կրթման բարելավման կողմնորոշիչները, ֆինանսական ծառայություններ սպառողների շահերի պաշտպանության փորձը: Նա նաեւ նշել է, որ Հայաստանում մշակվում է ֆինանսական ներգրավվածության ռազմավարություն:

    Հայաստանը ֆինանսական կրթության, սպառողների շահերի պաշտպանության եւ ֆինանսական հաշտարարի ինստիտուտի առումներով համարվում է տարածաշրջանում առաջատար երկիր: Ֆինանսական կրթման, սպառողների շահերի պաշտպանության եւ ֆինանսական հաշտարարի գրասենյակի գործունեության ուսումնասիրության նպատակով վերջին երեք տարիների ընթացքում արտասահմանյան բազմաթիվ պատվիրակություններ աշխատանքային այցեր են կատարել Հայաստան:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    Քաղաքականություն

    ՏԵՍՆԵԼ ԱՎԵԼԻՆ