08:44:51 30°C
  • USD - 482.28 ֏
  • EUR - 568.13 ֏
  • RUB - 6.53 ֏
  • ՀՀ-ում բնական գազի սակագինը սպառողների համար կնվազի

    08:00 31 Մայիս 2016
    Հուլիսի 1-ից ՀՀ-ում բնական գազի սակագինը սպառողների համար 156 դրամից կդառնա 146.7 դրամ` սպառված յուրաքանչյուր 1000 խմ բնական գազի դիմաց։ Այս մասին այսօր Հանրային ծառայությունները կարգավորող հանձնաժողովի նիստում կայացված որոշման համաձայն` հայտարարեց հանձնաժողովի նախագահ Ռոբերտ Նազարյանը:

    Նիստում քննարկվեց բնական գազի փոխադրման սակագնի, մատակարարման համակարգի, օպերատորի ծառայության մատուցման և բնական գազի բաշխման սակագների` «Գազպրոմ Արմենիայի» կողմից ներկայացված հայտը, համաձայն որի` սպառողներին վաճառվող բնական գազի համար սահմանվեցին հետևյալ սակագները.

    Ամսական մինչև 10 հազար խորանարդ մետր սպառում ունեցող բաժանորդների համար բնական գազի սակագինը 146.7 դրամ է` սպառված յուրաքանչյուր 1000 խորանարդ մետր բնական գազի համար։

    Ամսական 10 հազար խորանարդ մետր և ավելի սպառում ունեցող սպառողների համար վաճառվող բնական գազի սակագինը 257 ԱՄՆ դոլար է`սպառված յուրաքանչյուր 1000 խորանարդ մետր բնական գազի դիմաց:
    ԿԱՅՔԻ ՀԻՆ ՏԱՐԲԵՐԱԿ

    Լրահոս